ప్లాస్టిక్ సర్జరీ ఫెయిలై ప్రాణం కోల్పోయిన ప్రముఖ నటి
ఈ వార్తాకథనం ఏంటి
అర్జెంటీనాకు చెందిన ప్రముఖ నటీ, మోడల్ సిల్వినా లూనా ప్రాణాలు కోల్పోయింది. అందం కోసం చేసిన ప్లాస్టిక్ సర్జరీ వికటించడంతో ఆమె తుదిశ్వాస విడిచిన సంఘటన ఆలస్యంగా వెలుగుచూసింది.
కిడ్నీ సమస్యతో ఆగస్ట్ 31న సిల్వినా మరణించినట్లు తెలుస్తోంది. గత కొంతకాలంగా సిల్వినా కిడ్నీ సమస్యలతో బాధపడుతుంది. ప్రతివారం కిడ్నీలకు సంబంధించిన డయాలసిస్ ప్రక్రియను చేయించుకుంటోంది.
ఇటీవలే ప్లాస్టిక్ సర్జరీ చేయించుకునేందుకు సిల్వినా మొగ్గుచూపింది. ఈ క్రమంలోనే ప్లాస్టిక్ సర్జరీ వికటించి కిడ్నీ సమస్యలు మొదలయ్యాయి. దీంతో నానా యాతనతో చివరకు ప్రాణాలను కోల్పోవాల్సి వచ్చింది.
ప్లాస్టిక్ సర్జరీ ఫెయిలై సిల్వినా మరణంతో అర్జెంటీనా నటీనటులు, ఆమె అభిమానులు దిగ్బ్రాంతికి గురయ్యారు. ఈ క్రమంలోనే ఆమెకు నివాళులు అర్పించారు.
DETAILS
ప్రముఖ నటిగా, యాంకర్ గా సిల్వినా లూనా ఫేమస్
సిల్వినా లూనా, అర్జెంటీనా టెలివిజన్ రంగంలో ప్రముఖ నటిగా, యాంకర్ గా మంచి పేరు తెచ్చుకున్నారు.
అందం కోసం కొంతమంది మోడల్స్, నటీనటులు తమ శరీరంలోని కొన్ని భాగాలకు ప్లాస్టిక్ సర్జరీ చేయించుకోవడం పరిపాటిగా మారింది.
అయితే కొన్నిసార్లు ఈ ప్లాస్టిక్ సర్జరీ వికటించి ప్రాణాల మీదకు తెచ్చిన సందర్భాలు అనేకం ఉన్నాయి. ఈ క్రమంలోనే కాస్మోటాలజీకి సంబంధించిన వైద్య చికిత్సలు, ఆపరేషన్లు ప్రాణాలతో చెలగాటంగా మారుతుండటం కలవరానికి గురిచేస్తోంది.
అందం ఉంటేనే అవకాశాలు వస్తాయనే ఆలోచనతో ప్లాస్టిక్ సర్జరీ వైపు మొగ్గు చూపిస్తూ ప్రాణాల మీదకు తెచ్చుకుంటున్నారు.