Parasakthi Title: పరాశక్తి టైటిల్ విషయంలో కన్ఫ్యూషన్ .. శివకార్తికేయన్‌, విజయ్ ఆంటోనీలో ఎవరు తగ్గేనో..?
ఈ వార్తాకథనం ఏంటి
భారతీయ చిత్ర పరిశ్రమలో ఒకే టైటిల్‌తో సినిమాలు రావడం కొత్తకాదు. కొన్ని సార్లు మాత్రం, టైటిల్స్ విషయంలో పెద్దగా సమస్యలు ఉండవు. కానీ, అప్పుడప్పుడు కొన్ని చిత్రాలు ఈ విషయంపై చర్చకు దారి తీస్తాయి. ఇప్పుడు అలాంటి ఒక ఆసక్తికరమైన పరిణామమే ఇండస్ట్రీలో హాట్ టాపిక్‌గా మారింది. ఒకే టైటిల్‌తో ఇద్దరు హీరోలు విభిన్నమైన కథలను అందించే 'బిచ్చగాడు' ఫేమ్ విజయ్ ఆంటోనీ తన 25వ చిత్రంగా 'పరాశక్తి' (Parasakthi) తెరకెక్కిస్తున్నాడు. అరుణ్ ప్రభు దర్శకత్వం వహిస్తున్న ఈ చిత్రానికి సంబంధించిన టైటిల్ పోస్టర్‌ను బుధవారం విడుదల చేశారు.
వివరాలు
ఒకే రోజున వచ్చిన టైటిల్ అనౌన్స్‌మెంట్లు
అటు, 'అమరణ్' తో బ్లాక్‌బస్టర్ అందుకున్న తమిళ నటుడు శివ కార్తికేయన్ (Sivakarthikeyan) కూడా తన కొత్త చిత్రానికి 'పరాశక్తి' అనే పేరునే ఫిక్స్ చేశారు. 'ఆకాశం నీ హద్దురా' ఫేమ్ సుధా కొంగర (Sudha Kongara) దర్శకత్వంలో రూపొందుతున్న ఈ సినిమా ప్రస్తుతం SK25 వర్కింగ్ టైటిల్‌తో ఉంది. ఇటీవలే ఈ టైటిల్‌పై అనౌన్స్‌మెంట్ టీజర్‌ను కూడా విడుదల చేశారు. విజయ్ ఆంటోనీ తన సినిమాకు తమిళంలో మరో టైటిల్ పెట్టి, ఇతర భాషల్లో 'పరాశక్తి' అనే టైటిల్‌ను ఫైనల్ చేయగా, అతనితో పాటు శివ కార్తికేయన్ సినిమా కూడా అదే టైటిల్‌తో రావడం చర్చనీయాంశంగా మారింది. ఇద్దరి చిత్రాల టైటిల్ అనౌన్స్‌మెంట్ కూడా ఒకే రోజున రావడం గందరగోళానికి కారణమైంది.
వివరాలు
టైటిల్ రైట్స్ ఎవరికి?
విజయ్ ఆంటోనీ ఇప్పటికే 'పరాశక్తి' టైటిల్‌ను సౌత్ సినిమా ఛాంబర్‌లో రిజిస్టర్ చేయించానని ఓ నోట్ విడుదల చేశారు. సుధా కొంగర టీమ్ తమ సినిమా టైటిల్ హక్కులను ఏవీఎం (AVM) నిర్మాణ సంస్థ నుండి తీసుకున్నామని ప్రకటించింది. తెలుగు వెర్షన్‌లో గందరగోళం ఇతర భాషలు ఎలా ఉన్నా, తెలుగు వెర్షన్‌లో మాత్రం ఒకే టైటిల్ వల్ల స్పష్టత లేమి ఏర్పడింది. రెండు చిత్రాలు ఇదే పేరుతో థియేటర్లకు రానా? లేక ఎవరైనా వెనక్కి తగ్గుతారా? అనే ప్రశ్నకు సమాధానం రాబోయే రోజుల్లో తెలుస్తుంది.