Ravi Teja: రవితేజ కొత్త సినిమాలో ఆరుగురు హీరోయిన్స్.. క్లారిటీ ఇచ్చిన టీమ్!
ఈ వార్తాకథనం ఏంటి
సినిమా మేకర్స్ ఏదైనా అధికారిక అప్డేట్ ఇవ్వకపోయినా, హీరో, విలన్, హీరోయిన్ ఎంపికల విషయంలో రకరకాల రూమర్స్ పుట్టడం కొత్తేమీ కాదు. అలాంటి వార్తలపై రియాక్ట్ అవ్వాలని చాలా మంది ఇష్టపడరు. అయితే తాజాగా మాస్ మహారాజా రవితేజ కొత్త సినిమా గురించి సోషల్ మీడియాలో విస్తృతంగా పుకార్లు చెలరేగాయి. రవితేజ కొత్త ప్రాజెక్టులో మొత్తం ఆరుగురు హీరోయిన్లు నటించనున్నారన్న వార్త పెద్ద ఎత్తున వైరల్ అవుతుండటంతో అభిమానుల్లో పెద్ద చర్చ మొదలైంది. ఈ నేపథ్యంలో ఈ ప్రచారం పై స్పష్టతనిస్తూ రవితేజ టీమ్ అధికారికంగా స్పందించింది.
Details
పుకార్లను నమ్మొద్దు
సోషల్ మీడియాలో వస్తున్న ఆ సమాచారం పూర్తిగా అబద్ధమని, సినిమాలో ఆరు హీరోయిన్ల అంశం పూర్తిగా పుకారే అని పేర్కొంది. ఎలాంటి నిజం లేని ఇలాంటి వార్తలను నమ్మకూడదని టీమ్ స్పష్టం చేసింది. ప్రస్తుతం సినిమాకు సంబంధించిన స్క్రిప్ట్ వర్క్, కాస్టింగ్ పనులు సజావుగా కొనసాగుతున్నాయని, సినిమా అప్డేట్స్ను త్వరలోనే అధికారికంగా విడుదల చేస్తామని టీమ్ వెల్లడించింది. ఈ ప్రకటనతో సోషల్ మీడియాలో చక్కర్లు కొడుతున్న రూమర్స్కు పూర్తిగా పుల్స్టాప్ పడింది.