హ్యాపీ బర్త్ డే రంభ: తన కెరీర్లో గుర్తుండిపోయే ప్రత్యేక పాటలు
ఈ వార్తాకథనం ఏంటి
1990వ దశకంలో కుర్రకారును కిర్రెక్కించిన హీరోయిన్ రంభ. ఆమె అసలు పేరు విజయలక్ష్మి. ఈవీవీ సత్యనారాయణ దర్శకత్వం వహించిన ఆ ఒక్కటీ అడక్కు సినిమాతో తెలుగు తెరకు పరిచయమైంది.
అప్పట్లో ఆమెను శ్రీదేవి చెల్లి అనేవారు. కొంతమంది దివ్యభారతిలా ఉందన్నారు. ఈరోజు రంభ పుట్టినరోజు.
హీరోయిన్ గా తెలుగు, తమిళం చిత్రాలు ఎక్కువగా చేసింది రంభ. మొత్తం 7ప్రాంతీయ భాషల్లో ఆమె నటించింది.
హీరోయిన్ గా దూసుకుపోతూనే స్పెషల్ సాంగ్స్ లో మెరిసేది రంభ. ప్రస్తుతం రంభ చేసిన స్పెషల్ సాంగ్స్ ఏంటో తెలుసుకుందాం.
Details
చిరంజీవితో సమానంగా స్టెప్పులు వేసిన రంభ
చలిగాలి ఝుమ్మంది ఎందుకమ్మా - అక్కడ అమ్మాయి ఇక్కడ అబ్బాయి
పవన్ కళ్యాణ్ మొదటి సినిమాలోని ఈ పాటలో స్టెప్పులు వేసింది రంభ. ఈ సినిమాను ఈవీవీ సత్యనారాయణ డైరెక్ట్ చేసారు.
కన్నెపెట్టరో కన్నుకొట్టరో- హలో బ్రదర్
ఈవీవీ దర్శకత్వం వహించిన ఈ సినిమాలో నాగార్జునతో డ్యాన్స్ చేసింది రంభ. ఈ పాటలో ఇంద్రజ, ఆమని కూడా కనిపిస్తారు.
హే రుక్కు రుక్కుమ్యాన్ - ఇద్దరు మిత్రులు
చిరంజీవి నటించిన ఈ సినిమాలో రంభ కనిపించింది. చిరంజీవితో సమానంగా రంభ వేసే స్టెప్పులు అందరినీ అలరిస్తాయి. మృగరాజు సినిమాలో రామయ్య పాదాలెట్టి అనే ప్రత్యేక పాటలోనూ చిరంజీవితో డ్యాన్స్ చేసింది రంభ.
Details
నవతరం హీరోల సినిమాల్లో రంభ
నాయుడోరి పిల్లా - నాగ
జూనియర్ ఎన్టీఆర్ నటించిన నాగ సినిమాలో నాయుడోరి పిల్లా, నా ఇంటికొస్తావా అనే పాటకు నర్తించింది రంభ. ఎన్టీఆర్ సూపర్ హిట్ మూవీ యమదొంగ సినిమాలో, నాచోరే నాచోరే అనే పాటలో మరోమారు ప్రత్యేక గీతంలో కనిపించింది.
అట్టాంటోడే ఇట్టాంటోడే - దేశముదురు
అల్లు అర్జున్ హీరోగా కనిపించిన ఈ మూవీలోని మాస్ పాటలో కనిపించింది రంభ.
గత కొన్నేళ్ళుగా సినిమాలకు దూరంగా ఉంటున్న రంభ, 2010లో మలేషియాకు చెందిన బిజినెస్ మ్యాన్ ని పెళ్ళిచేసుకుంది. వీరికి ఇద్దరు కూతుళ్ళు, ఒక కొడుకు ఉన్నారు.