ఉస్తాద్ భగత్ సింగ్ సినిమాలో ధమాకాను రిపీట్ చేయనున్న శ్రీలీల
ఈ వార్తాకథనం ఏంటి
ఈ మధ్యకాలంలో టాలీవుడ్ లో హీరోయిన్ శ్రీలీల పేరు మారుమోగిపోతుంది. దాదాపుగా అరడజనుకు పైగా చిత్రాల్లో హీరోయిన్ గా నటిస్తోంది.
పెళ్లి సందడి చిత్రంతో హీరోయిన్ గా ఎంట్రీ ఇచ్చిన శ్రీలీల, రవితేజ నటించిన ధమాకా చిత్రంతో పాపులర్ అయిపోయింది. ముఖ్యంగా ధమాకాలో రవితేజ సరసన శ్రీలీల వేసిన స్టెప్పులకు ఆడియన్స్ ఫిదా అయ్యారు.
అందుకే ఆమె నటిస్తున్న సినిమాల్లో డాన్సులు ఉండాలని కోరుకుంటున్నారు. తాజాగా ఇలాంటి రిక్వెస్ట్ హరీష్ శంకర్ దగ్గరకు వచ్చింది.
సోషల్ మీడియాలో హరీష్ శంకర్ ను ట్యాగ్ చేసిన ఒక నెటిజన్, పవన్ కళ్యాణ్ తో శ్రీలీల మాస్ స్టెప్పులు వేస్తే బాగుంటుందని కోరాడు.
Details
మాస్ సాంగ్ ఉంటుందని కన్ఫామ్ చేసిన దర్శకుడు
హరీష్ శంకర్ కూడా సరే అన్నట్టుగా రిప్లై ఇచ్చాడు. దీంతో పవన్ కళ్యాణ్ అభిమానులు ఉప్పొంగిపోతున్నారు. ఉస్తాద్ భగత్ సింగ్ సినిమాలో హీరో హీరోయిన్ల మధ్య మాస్ సాంగ్ ఉండబోతుందని సంతోషపడుతున్నారు.
ఈ విషయం ఇప్పుడు సోషల్ మీడియాలో వైరల్ అవుతోంది. అదలా ఉంచితే, తాజాగా ఉస్తాద్ భగత్ సింగ్ షూటింగ్ లో శ్రీలీల జాయిన్ అయింది.
హైదరాబాదులోని ఒక స్టూడియోలో వేసిన సెట్ లో ఉస్తాద్ భగత్ సింగ్ షూటింగ్ జరుగుతోంది. ఈ షూటింగ్ లోంచి పవన్ కళ్యాణ్ లుక్స్ బయటకు వచ్చిన సంగతి తెలిసిందే.
మైత్రీ మూవీ మేకర్స్ బ్యానర్ లో రూపొందుతున్న ఉస్తాద్ భగత్ సింగ్ సినిమాకు దేవిశ్రీ ప్రసాద్ సంగీతం అందిస్తున్నారు.