మహేష్ 28వ సినిమా: అందరి చూపు ఆ టైటిల్ మీదే; సెంటిమెంటును త్రివిక్రమ్ దూరం పెడతాడా?
ఈ వార్తాకథనం ఏంటి
మహేష్ బాబు కెరీర్లో 28వ సినిమాగా తెరకెక్కుతున్న చిత్రానికి ఇప్పటివరకు ఎలాంటి టైటిల్ నిర్ణయించలేదు. టైటిల్ ఏది పెట్టాలనే విషయంలో అనేక చర్చలు జరుగుతున్నాయి.
త్రివిక్రమ్ దర్శకత్వం వహిస్తున్న ఈ సినిమాకు, సెంటిమెంటు ప్రకారం అ అనే అక్షరంతో మొదలయ్యే టైటిల్ ఉంటుందని అందరూ అనుకుంటున్నారు.
అందుకు తగినట్టుగానే అయోధ్యలో అర్జునుడు, అమరావతికి అటూ ఇటూ, అనే టైటిల్స్ తెరమీదకు వచ్చాయి. అయితే ప్రస్తుతం ఈ రెండు టైటిల్స్ ని పక్కకు పెట్టేసారని సమాచారం.
కథ ప్రకారం, సినిమాకు గుంటూరు కారం అనే టైటిల్ ని పెట్టాలని భావిస్తున్నారట. గుంటూరు, పల్నాడు ప్రాంత నేపథ్యంలో కథ జరుగుతుందని, గుంటూరు కారం అనే టైటిల్ సూట్ అవుతుందని భావిస్తున్నారట.
Details
మే 31వ తేదీన టైటిల్ రిలీజ్
గుంటూరు కారం అనేది టైటిల్ మాదిరిగా లేదని కొందరు వాదిస్తున్నారట. అదే టైమ్ లో ఎక్కువ మంది మాత్రం గుంటూరు కారం బాగుంటుందని అనుకుంటున్నారట.
మరి ఈ విషయంలో క్లారిటీ రావాలంటే సూపర్ స్టార్ కృష్ణ పుట్టినరోజు (మే 31) వరకు వెయిట్ చేయాల్సిందే. మే 31వ తేదీన మహేష్ బాబు 28వ సినిమా టైటిల్, గ్లింప్స్ రిలీజ్ అయ్యే అవకాశాలు ఉన్నాయి.
హారికా అండ్ హాసినీ క్రియేషన్స్ బ్యానర్ లో రూపొందుతున్న ఈ మూవీని ఎస్ రాధాకృష్ణ నిర్మిస్తున్నారు. పూజా హెగ్డే, శ్రీలీల హీరోయిన్లుగా నటిస్తున్నారు.
థమన్ సంగీతం అందిస్తున్న ఈ సినిమా, 2024 జనవరి 13వ తేదీన రిలీజ్ అవుతుంది.