#SSMB28: టైటిల్ రిలీజ్ కు ట్రైలర్ లెవెల్లో ప్లానింగ్; మరో పోస్టర్ రిలీజ్
ఈ వార్తాకథనం ఏంటి
మహేష్ బాబు, త్రివిక్రమ్ కాంబినేషన్లో వస్తున్న సినిమా టైటిల్ ని మే 31వ తేదీన ప్రకటించబోతున్నామని రెండు రోజుల క్రితమే తెలియజేసారు.
మునుపెన్నడూ లేని విధంగా థియేటర్ స్క్రీన్లలో టైటిల్ రిలీజ్ ఉంటుందని ప్రకటించారు. అయితే టైటిల్ రిలీజ్ వేడుకను ఘనంగా ప్లాన్ చేస్తున్నారు మేకర్స్. అందుకే రోజుకో పోస్టర్ ని వదులుతూ కౌంట్ డౌన్ స్టార్ చేసింది.
ఈ నేపథ్యంలో ఈరోజు మరో పోస్టర్ రిలీజైంది. ఈ పోస్టర్ లో, బరిలోకి దిగేముందు నేలతల్లికి దండం పెడుతున్నట్లుగా మహేష్ బాబు కనిపించాడు.
మాస్ స్ట్రైక్ మరో రెండు రోజుల్లో వచ్చేస్తుందని, అందరూ రెడీగా ఉండాలని చెబుతున్నారు.
Details
గుంటూరు కారం టైటిల్ ని ఫిక్స్ చేయనున్న త్రివిక్రమ్?
మహేష్ బాబు కెరీర్లో 28వ సినిమాగా రూపొందుతున్న ఈ చిత్రానికి గుంటూరు కారం అనే టైటిల్ ని ఫిక్స్ చేసినట్లు వార్తలు వినిపిస్తున్నాయి.
పల్నాడు, గుంటూరు ప్రాంతాల నేపథ్యంలో సినిమా ఉంటుందని, గుంటూరు కారం అనే టైటిల్ సరిగ్గా సరిపోతుందని మేకర్స్ భావిస్తున్నారట.
ఒకవేళ గుంటూరు కారం టైటిల్ కన్ఫర్మ్ అయితే, చాలారోజులుగా త్రివిక్రమ్ ఫాలో అవుతున్న సెంటిమెంటును బ్రేక్ చేసినట్లు అవుతుంది.
తన సినిమాల టైటిల్స్ ని అ అనే అక్షరంతో మొదలయ్యేలా చూసుకుంటాడు త్రివిక్రమ్. మరి త్రివిక్రమ్ సెంటిమెంట్ బ్రేక్ అవుతుందా లేదా అనేది చూడాలి.
ఈ సినిమాను హారికా అండ్ హాసినీ బ్యానర్ లో ఎస్ రాధాక్రిష్ణ నిర్మిస్తున్నారు.