సుల్తాన్ ఆఫ్ ఢిల్లీ: హీరోయిన్ మెహరీన్ నటిస్తున్న వెబ్ సిరీస్ విశేషాలు
మెహరీన్... నాని హీరోగా నటించిన కృష్ణ గాడి వీర ప్రేమ గాథ సినిమాతో తెలుగు ఇండస్ట్రీ లోకి అడుగు పెట్టింది. ఆ తర్వాత రాజా ది గ్రేట్, ఎఫ్ 2 వంటి సినిమాలతో విజయాలు దక్కించుకుంది. అయితే గత కొన్ని రోజులుగా మెహరీన్ కు అవకాశాలు రావడం లేదు. ప్రస్తుతం మెహరీన్ ఓటీటీ వైపు అడుగులు వేస్తోంది. తాజాగా ఆమె నటించిన సుల్తాన్ ఆఫ్ ఢిల్లీ వెబ్ సిరీస్ విడుదలకు సిద్ధమవుతోంది. మెహరీన్ మొట్టమొదటి సారిగా నటించిన వెబ్ సిరీస్ ఇది. పీరియాడికల్ యాక్షన్ డ్రామాగా రూపొందిన సుల్తాన్ ఆఫ్ ఢిల్లీ వెబ్ సిరీస్ ను రానా నాయుడు దర్శకుడు సూపర్న్ వర్మ, మిలాన్ లుత్రియా సంయుక్తంగా డైరెక్ట్ చేశారు.
డిస్నీ ప్లస్ హాట్ స్టార్ లో స్ట్రీమింగ్
ఢిల్లీ ప్రాంత నేపథ్యంలో రూపొందిన ఈ వెబ్ సిరీస్ ఇద్దరు స్నేహితుల కథగా తెరకెక్కింది. ఆయుధాలను అక్రమంగా సరఫరా చేసే ఇద్దరు స్నేహితులు ఎలాంటి పరిస్థితుల్లో చిక్కుకున్నారనేదే కథ. ఈ సిరీస్ లో సంజన అనే పాత్రలో మెహరీన్ నటిస్తున్నారు. మెహరీన్ తో పాటు మౌనీ రాయ్, తాహిర్ రాజ్ బాసిన్, వినయ్ పాఠక్, అంజుమ్ శర్మ ఇతర కీలక పాత్రల్లో నటిస్తున్నారు. డిస్నీ ప్లస్ హాట్ స్టార్ వేదికగా అక్టోబర్ 13వ తేదీ నుండి సుల్తాన్ ఆఫ్ ఢిల్లీ వెబ్ సిరీస్ స్ట్రీమింగ్ కానుంది. అదలా ఉంచితే, స్పార్క్ అనే తెలుగు సినిమాలో మెహరీన్ నటిస్తోంది. ఈ చిత్రం ప్రస్తుతం పోస్ట్ ప్రొడక్షన్ పనుల్లో ఉంది.
