ప్రభాస్ ఫ్యాన్స్ కు సూపర్ న్యూస్.. సలార్ టీజర్ ఆ రోజునే!
రెబల్ స్టార్ ప్రభాస్ నటిస్తున్న మోస్ట్ యాంటిసిపేటెడ్ మూవీ సలార్. కేజీఎఫ్ చిత్రాలతో బ్లాక్ బస్టర్ అందుకున్న ప్రశాంత్ నీల్ ఈ సినిమాని డైరక్ట్ చేస్తున్నాడు. ఈ హై ఓల్టేజ్ యాక్షన్ ఎంటర్టైన్‌మెంట్ సినిమా కోసం మూవీ లవర్స్ అంతా ఈగర్‌గా వెయిట్ చేస్తున్నారు. సెప్టెంబర్ 28న సలార్ మూవీని రిలీజ్ చేసేందుకు చిత్ర యూనిట్ ప్లాన్ చేస్తోంది. ఈ నేపథ్యంలో సలార్ టీజర్‌కు టైం ఫిక్స్ అయిందనే న్యూస్ సోషల్ మీడియాను షేక్ చేస్తోంది. జూలై ఫస్ట్ వీక్‌లో సలార్ టీజర్ బయటకి రానుందని టాక్ నడుస్తోంది. జులై 7న టీజర్ టైంను ఫిక్స్ చేసినట్లు సమాచారం. ఈ సినిమాలో శ్రుతి హాసన్ హీరోయిన్‌గా నటిస్తోంది.
షూటింగ్ చివరి దశలో సలార్ మూవీ
ఇప్పటికే సలార్ టీజర్ రన్ టైం కూడా లాక్ అయినట్లు సోషల్ మీడియాలో ట్రైండ్ అవుతోంది. ఒక్క నిమిషం 30 సెకన్లుగా ఈ టీజర్ ను సాలిడ్ గా కట్ చేశారట.ఈ 90 సెకన్ల టీజర్ లో గుస్ బంప్స్ వచ్చేలా ప్రభాస్‌ను మోస్ట్ వైలెంట్ మ్యాన్ గా ప్రశాంత్ నీల్ చూపించబోతున్నారట. ఒక్కసారి ఈ టీజర్ బయటకి వస్తే రికార్డుల లెక్కలన్నీ తేలిపోతాయని ఫ్యాన్స్ భావిస్తున్నారు. బహుబలి 2 తర్వాత ప్రభాస్ ఖాతాలో పడబోయే వెయ్యి కోట్ల బొమ్మ ఇదేనని డార్లింగ్ ఫ్యాన్స్ ఫిక్స్ అయిపోయారు. ప్రస్తుతం షూటింగ్ చివరి దశలో ఉన్న ఈ సినిమా అతి త్వరలో ముగించేసి పోస్ట్ ప్రొడక్షన్ పనులు ప్రారంభించాలని చిత్ర యూనిట్ ప్లాన్ చేస్తోంది.
