Sanjana Galrani: బిగ్‌బాస్ సీజన్ 9 హౌస్మేట్ సంజనాకు సుప్రీంకోర్టు నోటీసులు
ఈ వార్తాకథనం ఏంటి
టాలీవుడ్ హీరోయిన్ సంజనా గల్రానీ ప్రస్తుతం బిగ్‌బాస్ సీజన్ 9లో పాల్గొంటోంది. ప్రారంభంలో తన ఆటతీరుతో హౌస్మేట్స్‌ ఆకట్టుకున్న సంజనా, మిడ్ వీక్ ఎలిమినేషన్‌లో హౌస్‌లో నుంచి బయటకు వచ్చినట్లు చూపారు. ప్రస్తుతం ఆమె సీక్రెట్ రూం టాస్క్ నడుస్తోంది. అయితే తాజాగా ఆమెకు సుప్రీంకోర్టు నోటీసులు జారీ అయ్యాయి. కర్ణాటక ప్రభుత్వం దాఖలు చేసిన పిటిషన్‌పై వివరణ ఇవ్వాలని శుక్రవారం సుప్రీం కోరింది. ఈ నోటీసులు 2020లో కన్నడ పరిశ్రమలో జరిగిన డ్రగ్స్ కేసుకు సంబంధించినవి. ఈ కేసులో సంజనాను 14వ నిందితురాలిగా చేర్చారు, రాగిణి ద్వివేదితోపాటు అరెస్ట్ చేశారు. రెండు నెలల జైలు తర్వాత బెయిల్ లభించడంతో విడుదల అయ్యింది.
Details
సుప్రీం కోర్టులో పిటిషన్ దాఖలు
అరెస్ట్ సమయంలో ఆమెపై కొకైన్, ఎండీఎంఏ, ఎల్ఎస్డీ వంటి మత్తు పదార్థాల వినియోగం, పంపిణీపై ఆరోపణలు ఉన్నాయి. 2024 మార్చి 25న కర్ణాటక హైకోర్టు ఈ కేసును సాంకేతిక కారణాలతో రద్దు చేసింది. కోర్టు అభిప్రాయం ప్రకారం సెక్షన్ 219 సీఆర్పీసీ కింద 12 నెలల్లో మూడు కంటే ఎక్కువ నేరాలపై ఒకే ట్రయల్ చేయలేమని స్పష్టమైంది. ఇప్పటివరకు ఉన్న తీర్పును కర్ణాటక ప్రభుత్వం సవాల్ చేస్తూ సుప్రీంకోర్టులో పిటిషన్ దాఖలు చేసింది. రాష్ట్ర ప్రభుత్వ న్యాయవాదుల వాదన ప్రకారం, సంజనా ఎక్స్‌టసీ, కొకైన్, MDMA, LSD వంటి మాదకద్రవ్యాలను నైజీరియన్ డ్రగ్ డీలర్ల ద్వారా సేకరించినట్లు కాల్ రికార్డులు, ఫోన్ ఫోరెన్సిక్ అంచనాలు నిర్ధారిస్తున్నాయి.
Details
నోటీసులు జారీ చేసిన సుప్రీం కోర్టు
ఆమె ఆర్థిక లాభాల కోసం వాటిని వివిధ వ్యక్తులకు విక్రయించినట్లు, బహిరంగ ప్రదేశాల్లో డ్రగ్స్ సరఫరా చేసి ఇబ్బందికర పరిస్థితులు సృష్టించినట్లు సాక్షులు ధర్మాసనంలో తెలిపారు. గతంలో బెంగుళూరు పోలీసులు విచారణలో సంజనా ఇరు పేర్లను వెల్లడించమని కోరినా ఆమె చెప్పకపోయింది. ఇప్పుడు సుప్రీంకోర్టు నోటీసులు జారీ కావడంతో ఈ కేసుకు సంబంధించి మరిన్ని వివరాలు తెరపైకి వచ్చాయి.