Shobhitha Dhulipala: 18 భాషల్లో శోభిత ధూళిపాల 'చీకట్లో'
ఈ వార్తాకథనం ఏంటి
ప్రతిష్ఠాత్మక నిర్మాణ సంస్థ సురేష్ ప్రొడక్షన్స్ డిజిటల్ రంగంలో మరో ప్రత్యేకమైన ప్రయత్నంతో ముందుకు వచ్చింది. ప్రముఖ హీరోయిన్ శోభిత ధూళిపాళ ప్రధాన పాత్రలో నటించిన ఒక ప్రత్యేక వెబ్ మూవీని ఈ సంస్థ నిర్మించింది. ఈ సినిమాకు యువ దర్శకుడు శరత్ కొప్పిశెట్టి దర్శకత్వం వహించారు. ఆసక్తికరమైన విషయం ఏమిటంటే ,ఈ సినిమాకు 'చీకట్లో' అనే శీర్షికను ఖరారు చేశారు. ఈ వెబ్ సినిమాని ప్రముఖ ఓటీటీ ప్లాట్‌ఫారమ్‌ అయిన అమెజాన్ ప్రైమ్ వీడియోలో విడుదల చేయనున్నారు. అయితే,'చీకట్లో' సినిమాను ఏకకాలంలో 18 భారతీయ భాషల్లో డబ్బింగ్ చేసి విడుదల చేయబోతున్నారు. ఓటీటీలో ఒక సినిమా ఇన్ని భాషల్లో డబ్ కావడం ఇదే మొదటిసారి కావడం విశేషం.
వివరాలు
త్వరలోనే అధికారిక విడుదల తేదీని ప్రకటించే అవకాశం
ఈ నిర్ణయం ద్వారా దేశవ్యాప్తంగా ఉన్న సినీ ప్రియులకు ఈ సినిమాను చేరువ చేయాలనేది లక్ష్యంగా కనిపిస్తోంది. థ్రిల్లర్ శైలిలో రూపొందిన ఈ వెబ్ మూవీపై ఇప్పటికే ప్రేక్షకుల్లో మంచి ఆసక్తి, అంచనాలు పెరిగాయి. శోభిత ధూళిపాళ నటన, శరత్ కొప్పిశెట్టి దర్శకత్వం ఈ సినిమాకు ప్రధాన ఆకర్షణగా నిలుస్తాయని ప్రేక్షకులు భావిస్తున్నారు. ప్రస్తుతంలో ఈ సినిమా నవంబర్‌లో స్ట్రీమింగ్ కోసం సన్నాహాలు జరుపుకుంటున్నది. త్వరలోనే అధికారిక విడుదల తేదీని ప్రకటించే అవకాశం ఉంది.