హాలీవుడ్ నుండి టాలీవుడ్ దాకా: ఈవారం థియేటర్లలో రిలీజయ్యే సినిమాల లిస్టు
ఈ వార్తాకథనం ఏంటి
ప్రతీ వారం థియేటర్లలో కొత్త కొత్త సినిమాలు పడుతుంటాయి. ఈ వారం మాంచి క్రేజీ సినిమాలు రిలీజ్ అవుతున్నాయి. అవేంటో చూద్దాం. హిడింబ: అశ్విన్ బాబు, నందితా శ్వేత జంటగా నటించిన ఈ చిత్రం, వైవిధ్యమైన కాన్సెప్ట్ తో రూపొందింది. టీజర్, ట్రైలర్ కు మంచి రెస్పాన్స్ దక్కింది. అనిల్ కన్నెగంటి దర్శకత్వం వహిస్తున్న ఈ సినిమా, జులై 20న థియేటర్లలో రిలీజ్ అవుతుంది. అన్నపూర్ణ సూడియో: 30 వెడ్స్ 21 ఫేమ్ చైతన్య రావు హీరోగా, లావణ్య హీరోయిన్ గా రూపొందిన పీరియాడికల్ డ్రామాను చందు ముద్దు డైరెక్ట్ చేసారు. యశ్ రంగినేని నిర్మాతగా వ్యవహరిస్తున్న ఈ సినిమా జులై 21న రిలీజ్ అవుతుంది.
Details
థియేటర్లలో రిలీజ్ అవుతున్న హాలీవుడ్ సినిమాలు
ఓపెన్ హైమర్: ఆటం బాంబ్ సృష్టికర్త జె రాబర్ట్ ఓపెన్ హైమర్ జీవిత కథతో వస్తున్న ఈ సినిమాను హాలీవుడ్ దిగ్గజ దర్శకుడు క్రిస్టఫర్ నోలన్ తెరకెక్కించారు. సిలియన్ మర్ఫీ, ఎమిలీ బ్లంట్ నటించిన ఈ చిత్రం, జులై 21న విడుదల అవుతుంది. బార్బీ: మార్గట్ రోబీ, ర్యాన్ గోస్లింగ్ ప్రధాన పాత్రల్లో తెరకెక్కిన హాలీవుడ్ కామెడీ ఫాంటసీ డ్రామాను గ్రెట గెర్విగ్ తెరకెక్కించారు. జులై 21వ తేదీన ప్రపంచ వ్యాప్తంగా ఈ సినిమా విడుదల అవుతుంది. హత్య: విజయ్ ఆంటోనీ నటించిన ఈ చిత్రం, తెలుగులో జులై 21న రిలీజ్ అవుతుంది. హర్: రుహానీ శర్మ, వికాస్ వశిష్ట నటించిన థ్రిల్లర్ మూవీ, జులై 21న తెలుగులో రిలీజ్ అవుతుంది.