హిండింబ సినిమా నుండి రివర్స్ యాక్షన్ ట్రైలర్ విడుదల
సినిమా వాళ్ళు ఎప్పటికప్పుడు కొత్త కొత్త పేర్లతో తమ సినిమాను ప్రమోట్ చేస్తుంటారు. టీజర్, ట్రైలర్, గ్లింప్స్, స్నీక్ పీక్.. ఇలా రకరకాల పేర్లు పెట్టి సినిమా కంటెంట్ ని జనాల్లోకి వదులుతారు. ప్రస్తుతం అశ్విన్ బాబు హీరోగా వస్తున్న హిడింబ సినిమా టీమ్ కూడా అలాంటి ఆలోచనతో రివర్స్ యాక్షన్ ట్రైలర్ ని వదిలింది. నిమిషం నిడివిగల ఈ ట్రైలర్ లో అన్నీ రివర్స్ లో వెళ్తున్న సీన్లే కనిపిస్తాయి. ఈ ట్రైలర్ లో ప్రధాన పాత్రలన్నీ కనిపించాయి. హారర్, థ్రిల్లర్, యాక్షన్ అంశాలతో నిండిపోయిన ఈ ట్రైలర్ ఆయా జోనర్లను ఇష్టపడేవారిని బాగా ఆకట్టుకుంటుంది. నందితా శ్వేత హీరోయిన్ గా కనిపిస్తున్న ఈ సినిమాను అనిల్ కన్నెగంటి తెరకెక్కించారు.
జులై 20న హిడింబ విడుదల
గతంలో అనిల్ కన్నెగంటి దర్శకత్వంలో మంచు మనోజ్ హీరోగా మిస్టర్ నూకయ్య, కళ్యాణ్ రామ్ హీరోగా అసాధ్యుడు, సందీప్ కిషన్ హీరోగా రన్ చిత్రాలు వచ్చాయి. ఎన్నో రోజులుగా హిట్ లేక సతమవుతున్న అనిల్ కన్నెగంటి, ఈసారి అశ్విన్ బాబు హీరోగా హిడింబ అనే విభిన్నమైన సినిమాతో వస్తున్నాడు. ఏకే ఎంటర్ టైన్మెంట్స్ సమర్పిస్తున్న ఈ సినిమాను శ్రీధర్ గంగపట్నం నిర్మించారు. జులై 20వ తేదీన ప్రపంచవ్యాప్తంగా ఈ సినిమా రిలీజ్ అవుతుంది. అటు అశ్విన్ బాబు, ఇటు హీరోయిన్ నందితా శ్వేతాకు హిడింబ ఎలాంటి ఫలితాన్ని మిగుల్చుతుందో చూడాలి.
