The Pet Detective : ఓటీటీలోకి అనుపమ సూపర్ హిట్ సినిమా
ఈ వార్తాకథనం ఏంటి
'ది పెట్ డిటెక్టివ్' చిత్రం నవంబర్ 28 నుంచి జీ5లో మలయాళం, తెలుగు, కన్నడ, తమిళం, హిందీ భాషల్లో అందుబాటులోకి రానుంది. ఈ సినిమాను ప్రణీష్ విజయన్ దర్శకత్వం వహించారు. ప్రధాన పాత్రలో నటించిన ష్రాఫ్ యు దీన్, ఈ చిత్రంతో నిర్మాతగా కూడా తొలి ప్రయత్నం చేశారు. దీనితో పాటు వినాయకన్, వినయ్ ఫోర్ట్, అనుపమ పరమేశ్వరన్, శ్యామ్ మోహన్, జ్యోమన్ జ్యోతిర్ వంటి నటులు కీలక పాత్రల్లో కనిపించనున్నారు.
వివరాలు
కథేంటంటే..
కథ విషయానికి వస్తే.. జోస్ అలులా (ష్రాఫ్ యు దీన్) ఒక ప్రైవేట్ డిటెక్టివ్. అతని కెరీర్‌లో పెద్దగా గుర్తింపు తెచ్చిపెట్టే కేసులు లేవు.అయినా సరే,తన ప్రతిభను నిరూపించుకోవాలని ఆతృతగా ఎదురుచూస్తూ ఉంటాడు.ఈ నేపథ్యంలో అదృశ్యమైన ఒక పెంపుడు జంతువు కేసును చేధించడానికి ముందుకు వస్తాడు. సంఘటనల వరుసలో అతను అంతర్జాతీయ స్మగ్లర్లు,కిడ్నాప్ గ్యాంగ్,మిస్సింగ్ చైల్డ్ కేసు,మెక్సికన్ మాఫియా డాన్, అరుదైన చేప చుట్టూ తిరిగే రహస్యాలు, అలాగే కనిపించని అమ్మాయిని వెతుకుతున్న పోలీస్ ఇన్‌స్పెక్టర్ వంటి అనేక పాత్రలతో ఎదురుపడతాడు.ఈ క్రమంలో జరిగే అల్లకల్లోలం,వినూత్నమైన పాత్రలు,హాస్యం,ఊహించని ట్విస్ట్‌లు,ప్రియదర్శన్ శైలిని గుర్తు చేసే హై-వోల్టేజ్ కామెడీ క్లైమాక్స్ అన్ని కలిసి'ది పెట్ డిటెక్టివ్'ను ఫ్యామిలీ ప్రేక్షకులు,కామెడీ సినిమాలు ఇష్టపడేవారికి మంచి ఎంటర్టైన్‌మెంట్‌గా మారుస్తాయి.
వివరాలు
జీ5లో స్ట్రీమింగ్
ఈ సందర్భంలో నిర్మాత-నటుడు ష్రాఫ్ యు దీన్ మాట్లాడుతూ..'ది పెట్ డిటెక్టివ్' నాకు ప్రత్యేకమైన సినిమా. నటుడిగా మాత్రమే కాకుండా నిర్మాతగా కూడా ఇది నా మొదటి అడుగు. ప్రేక్షకులు ఎక్కువగా ఆలోచించకుండా సులభంగా నవ్వుకునేలా, హాయిగా ఆస్వాదించేలా ఉండే కామెడీ చిత్రం చేయాలన్న ఆలోచనతో ఈ సినిమా రూపొందించాం. ఇప్పటికే మలయాళంలో జీ5లో వచ్చిన స్పందన చాలా ఉత్సాహాన్నిస్తోంది. ఇప్పుడు అదే చిత్రం తెలుగు, కన్నడ, తమిళ, హిందీ వెర్షన్‌ల్లో ప్రేక్షకుల ముందుకు రావడం మరింత ఆనందంగా ఉంది" అని తెలిపారు. నవంబర్ 28 నుంచి 'ది పెట్ డిటెక్టివ్' జీ5లో స్ట్రీమింగ్ కానుంది.