'స్పై' టీజర్‌కు విడుదల తేదీ ఖరారు.. మొదటిసారిగా హిస్టారికల్ ప్లేస్‌లో ఈవెంట్
ఈ వార్తాకథనం ఏంటి
పాన్ ఇండియా స్థాయిలో నిఖిల్ హీరోగా నిర్మిస్తున్న స్పై మూవీ టీజర్ రిలీజ్ డేట్ ఫిక్సయింది. కార్తికేయ 2 సక్సెస్ తర్వాత పాన్ ఇండియా సినిమాగా దీన్ని రిలీజ్ కు మూవీ మేకర్స్ సిద్ధం చేస్తున్నారు. ముఖ్యంగా చారిత్రక ప్రదేశంలో టీజర్ రిలీజ్ ఈవెంట్ ను మూవీ సభ్యులు ప్లాన్ చేశారు. ఫ్రీడమ్ పైటర్ సుభాష్ చంద్రబోస్ జీవితం నేపథ్యంలో సాగే సినిమా కావడంతో ఈ టీజర్ ఈవెంట్ ను ఆయన విగ్రహం వద్దే వద్ద లాంచ్ చేయనున్నారు. మే 15న న్యూఢిల్లీలోని రాజ్ పథ్(కర్తవ్య పథ్)లో ఈ ఈవెంట్ ను నిర్వహించనున్నారు. టీజర్ తేదీని శుక్రవారం చిత్ర యూనిట్ రిలీవ్ చేసింది.
Details
జూన్ 29న స్పై వరల్డ్ వైడ్ గా రిలీజ్
అదే విధంగా రాజ్ పథ్ వద్ద టీజర్ లాంఛ్ ఈవెంట్ ను నిర్వహిస్తున్న తొలి ఇండియన్ సినిమా స్పై కావడం విశేషం. సుభాష్ చంద్రబోస్ జీవితానికి సంబంధించి వెలుగులోకి రాని నిజాలతో ఈ సినిమాను తెరకెక్కిస్తోన్నారు. వరల్డ్ వైడ్ గా జూన్ 29న స్పై మూవీ రిలీజ్ కానుంది. ఈ సినిమాను కథను కె.రాజశేఖర్ రెడ్డి అందించారు. ఈ సినిమాను తెలుగు, హిందీ, తమిళం, కన్నడ భాష ల్లో విడుదల చేయనున్నారు. ఇందులో ఐశ్వర్య మీనన్ హీరోయిన్ గా నటిస్తుండగా.. ఆర్యన్ రాజేష్, సాన్య ఠాకూర్, అభినవ్ గోమటం కీలక పాత్రలలో నటిస్తున్నారు.