తెలుగు సినిమాలో స్టార్ కిడ్స్ గా ఎంట్రీ ఇచ్చి హిట్ కోసం ఎదురు చూస్తున్న హీరోలు
ఈ వార్తాకథనం ఏంటి
ఈ మధ్య కాలంలో నెపోటిజం గురించి ఎక్కువ చర్చ జరుగుతోంది. బాలీవుడ్ లో అయితే మరీనూ. బంధుప్రీతి అనేది ప్రతీ ఇండస్ట్రీలో సహజంగా కనిపిస్తూ ఉంటుంది. సినిమా ఇండస్ట్రీ, గ్లామర్ గా ఉంటుంది కాబట్టి ఇందులోని ప్రతీ అంశంపై జనాలకు ఆసక్తి ఉంటుంది. ప్రస్తుతం నెపోటిజంతో ఇండస్ట్రీలోకి అడుగుపెట్టి, హిట్ కోసం ఎదురుచూస్తున్న హీరోల గురించి మాట్లాడుకుందాం. అఖిల్ అక్కినేని: అక్కినేని వారసుడిగా ఎంట్రీ ఇచ్చిన అఖిల్, తన మొదటి సినిమాతో సరైన గుర్తింపు తెచ్చుకోలేక పోయాడు. ఆ తర్వాత రిలీజైన హలో, మిస్టర్ మజ్ను చిత్రాలు కూడా పెద్దగా ఆకట్టుకోలేదు. మోస్ట్ ఎలిజబుల్ బ్యాచులర్ మాత్రమే ఓ మోస్తారుగా ఆకట్టుకుంది. ఇప్పుడు ఏజెంట్ సినిమాతో ఏప్రిల్ 28న వస్తున్నాడు.
Details
హిట్ కోసం ఎదురుచూస్తున్న స్టార్ కిడ్స్
ఆది సాయి కుమార్: నటుడు సాయి కుమార్ వారసుడిగా ప్రేమ కావాలి సినిమాతో పరిచయమైన ఆది, పర్వాలేదు అనిపించుకున్నాడు. కానీ ఆ తర్వాతే సరైన హిట్ ఒక్కటీ రాలేదు. 2022లో ఆది నుండి చాలా సినిమాలు వచ్చాయి కానీ బాక్సాఫీసు దగ్గర ఏదీ సరిన ఫలితాన్ని అందుకోలేదు. తాజాగా పులి మేక అనే వెబ్ సిరీస్ లో నటించాడు. అల్లు శిరీష్: అల్లు అరవింద్ వారసుడిగా అల్లు అర్జున్ తమ్ముడిగా ఎంట్రీ ఇచ్చిన శిరీష్ కు సరైన హిట్ పడలేదు. మొదటి సినిమా గౌరవం, బాక్సాఫీసు వద్ద అంతగా ప్రభావం చూపలేకపోయింది. శ్రీరస్తు శుభమస్తు, ఊర్వశివో రాక్షసివో సినిమాలతో ఫర్వాలేదు అనిపించుకున్నాడు శిరీష్.