ఉగ్రం ట్రైలర్: మిస్సింగ్ కేసులను ఛేధించే పవర్ ఫుల్ పోలీస్ ఆఫీసర్ గా అల్లరి నరేష్
నాంది సినిమా నుండి అల్లరి నరేష్ తన కొత్త ప్రయాణానికి నాంది పలికాడు. నాంది తర్వాత ఇట్లు మారేడుమిల్లి ప్రజానీకం వంటి సామాజిక చిత్రాన్ని తీసుకొచ్చాడు. ఇప్పుడు మరోసారి అదే పంథాలో సరికొత్త అవతారంలో దర్శనమిస్తూ, ఉగ్రం సినిమాను ప్రేక్షకుల ముందుకు తీసుకువస్తున్నాడు. నాంది దర్శకుడు విజయ్ కనకమేడల దర్శకత్వం వహించిన ఈ సినిమా ట్రైలర్, ఇంతకుముందే విడుదలైంది. ట్రైలర్ ఎలా ఉందంటే: ఉగ్రం ట్రైలర్ లో ఉగ్రరూపంగా కనిపించాడు అల్లరి నరేష్. పవర్ ఫుల్ పోలీస్ ఆఫీసర్ గా అదరగొట్టాడు. మిస్సింగ్ కేసులను ఛేధించే పోలీసాఫీసర్ గా అల్లరి నరేష్ కనిపించాడు. నరేష్ లోని అల్లరి ఏ కోశాన కూడా ఈ ట్రైలర్ లో కనిపించదు.
మాస్ హీరోగా అల్లరి నరేష్
మిస్సింగ్ కేసుల్లో తన భార్యా బిడ్డలు కూడా ఉన్నారంటూ ట్రైలర్ లో నరేష్ పాత్ర చెబుతుంది. అలాగే నరేష్ పాత్రకు ఏదో మెడికల్ ప్రాబ్లం ఉంటుందని చూపించారు. తన సమస్యలను దాటుకుని అసలు సమస్యను ఎలా పరిష్కరించాడనేది సినిమాలో చూపించబోతున్నారని ట్రైలర్ లో తెలిసిపోయింది. ఉగ్రం సినిమాతో అల్లరి నరేష్ లోని మాస్ యాంగిల్ కూడా బయటకు వచ్చేస్తుందని ట్రైలర్ లో కనిపించింది. షైన్ స్క్రీన్ బ్యానర్ పై రూపొందిన ఈ సినిమాను సాహు గారపాటి, హరిష్ పెద్ది నిర్మిస్తున్నారు. శ్రీచరణ్ పాకాల మ్యూజిక్ అందిస్తున్న ఈ సినిమాలో అల్లరి నరేష్ సరసన మిర్ణా నటిస్తోంది. మే 5వ తేదీన విడుదల అవుతుంది.
ఈ టైమ్ లైన్ ని షేర్ చేయండి