వీరసింహారెడ్డి: అమెరికాలో హాఫ్ మిలియన్ దాటేసిన కలెక్షన్లు
బాలకృష్ణ నటించిన వీరసింహారెడ్డి సినిమా ఈరోజు విడుదలైంది. అమెరికాలో కాస్త ముందే థియేటర్లలోకి చేరిపోయింది. దాంతో అక్కడి నుండి సినిమా టాక్ మెల్లిమెల్లిగా బయటకు వస్తోంది. సినిమా టాక్ గురించి పక్కన పెడితే అమెరికాలో ఆల్రెడీ హాఫ్ మిలియన్ డాలర్ల కలెక్షన్లను దాటేసింది వీరసింహారెడ్డి. ఇప్పటికి 6లక్ష్లల 50వేల డాలర్లు కొల్లగొట్టి మిలియన్ మార్క్ దిశగా దూసుకుపోతుంది. ఈ వసూళ్ళు అందరినీ ఆశ్చర్యపరుస్తున్నాయి. ఓవర్సీస్ లో ఈ రేంజ్ లో కలెక్షన్లు రావడం అటు హీరోగా బాలకృష్ణకు, ఇటు దర్శకుడిగా గోపీచంద్ మలినేనికి కూడా మొదటిసారి. ఈ కలెక్షన్లు మరింత పెరిగే అవకాశం ఉన్నట్లు తెలుస్తోంది. మిలియన్ మార్కును దాటి వెళ్తాయని అభిమానులు ఆశపడుతున్నారు.
తెలుగు రాష్ట్రాల్లోనూ విజృంభిస్తున్న వీరసింహారెడ్డి
ఓవర్సీస్ లో మాత్రమే కాదు రెండు తెలుగు రాష్ట్రాల్లోనూ వీరసింహారెడ్డి వీరంగం హై రేంజ్ లో ఉంది. హైదరాబాద్ లో షోస్ నిండిపోతున్నాయని వార్తలు వచ్చాయి. ఈ మేరకు బుక్ మై షో కుడా ప్రకటించింది. ఇదంతా చూస్తుంటే వీరసింహారెడ్డి సినిమాకు రికార్డ్ స్థాయిలో ఓపెనింగ్స్ వచ్చేలా కనిపిస్తోంది. అభిమానులు, చిత్రబృందం కూడా ఈ విషయంలో చాలా నమ్మకంగా ఉంది. సినిమా టాక్ బాగుంటే కలెక్షన్లు విపరీతంగా పెరిగే అవకాశం ఉంది. వీరసింహారెడ్డి సినిమాకు గోపీచంద్ మలినేని దర్శకత్వం వహించారు. మైత్రీ మూవీ మేకర్స్ బ్యానర్ లో రూపొందిన ఈ సినిమాను నవీన్ యేర్నేని, రవిశంకర్ నిర్మించారు. థమన్ మ్యూజిక్ అందించిన ఈ చిత్రంలో శృతిహాసన్ హీరోయిన్ గా కనిపించింది.
