పవన్ కళ్యాణ్ అభిమానులకు గుడ్ న్యూస్, వకీల్ సాబ్ 2 వచ్చేస్తోంది?
పవర్ స్టార్ పవన్ కళ్యాణ్ నటించిన వకీల్ సాబ్ చిత్రం రిలీజై నిన్నటికి రెండు సంవత్సరాలయ్యింది. ఈ నేపథ్యంలో పవన్ అభిమానులు ట్విట్టర్ వేదికగా వకీల్ సాబ్ సినిమా గురించి చర్చ పెట్టుకున్నారు. ఈ చర్చలో వకీల్ సాబ్ సినిమా దర్శకుడు వేణు శ్రీరామ్ జాయిన్ అయినట్లు సమాచారం. వకీల్ సాబ్ రీ రిలీజ్ మరికొద్ది రోజుల్లో ఉంటుందని దర్శకుడు చెప్పాడని, అలాగే వకీల్ సాబ్ సీక్వెల్ కూడా మొదలవుతుందని దర్శకుడు తెలియజేసినట్లు వార్తలు వస్తున్నాయి. వకీల్ సాబ్ 2 స్క్రిప్ట్ పనులు జరుగుతున్నాయని, మరికొద్ది రోజుల్లో సినిమా ఉంటుందని వకీల్ సాబ్ దర్శకుడు తెలియజేసినట్లు సోషల్ మీడియా కోడై కూస్తోంది.
దిల్ రాజు బ్యానర్ లో రూపొందనున్న వకీల్ సాబ్ 2
వకీల్ సాబ్ కూడా సీక్వెల్ కూడా దిల్ రాజు బ్యానర్ లోనే ఉండే అవకాశం ఉందని అంటున్నారు. ఈ మధ్య దిల్ రాజు కూడా పవన్ కళ్యాణ్ తో మరో సినిమా ఉంటుందని చెప్పారని, ఆ సినిమా వకీల్ సాబ్ సీక్వెల్ అయ్యుంటుందని అంచనా వేస్తున్నారు. మరేం జరుగుతుందో చూడాలి. అదలా ఉంచితే ప్రస్తుతం పవన్ కళ్యాణ్ చాలా బిజీగా ఉన్నాడు. ఒకవైపు ఉస్తాద్ భగత్ సింగ్, మరోవైపు సాయి ధరమ్ తేజ్ తో కలిసి చేస్తున్న సినిమా.. అలాగే సుజిత్ దర్శకత్వంలో ఓజీ కూడా ఉంది. మరి ఇన్ని సినిమాల మధ్య వకీల్ సాబ్ సీక్వెల్ ఎప్పుడు మొదలవుతుంది? ఎప్పుడు షూటింగ్ జరుపుకుంటుందనేది ఆసక్తికరమైన అంశంగా ఉంది.
ఈ టైమ్ లైన్ ని షేర్ చేయండి