విజయ్ ఆంటోనీ ఇంట్లో విషాదం: ప్రాణాలు తీసుకున్న కూతురు
తమిళ హీరో విజయ్ ఆంటోనీ ఇంట్లో తీవ్ర విషాదం నెలకొంది. ఆయన కూతురు ఆత్మహత్య చేసుకుంది. ఈరోజు ఉదయం 3గంటల ప్రాంతంలో బెడ్ మీద నిస్త్రాణగా పడి ఉండటంతో ఆస్పత్రికి తీసుకువెళ్ళారని సమాచారం. ఆమె పరిస్థితిని చూసిన వైద్యులు, ప్రాణాలు కోల్పోయిందని కన్ఫామ్ చేసారు. 16సంవత్సరాల వయసులో ఉన్న అమ్మాయి, చెన్నైలో చర్చ్ పార్క్ స్కూల్ లో చదువుకుంటోంది. గతకొన్ని రోజులుగా ఆమె తీవ్ర ఒత్తిడిలో ఉందని సోషల్ మీడియాలో వార్తలు వస్తున్నాయి. ఒత్తిడి, ఆందోళన కారణంగానే ప్రాణాలు తీసేసుకుందని అంటున్నారు.
బిచ్చగాడు సినిమాతో తెలుగులో పేరు తెచ్చుకున్న విజయ్ ఆంటోనీ
కూతురు మరణంతో విజయ్ ఆంటోనీ ఇంట్లో విషాద ఛాయలు అలుముకున్నాయి. విజయ్ ఆంటోనీ భార్య పేరు ఫాతిమా . వారికి ఇద్దరు కూతుళ్ళు. విజయ్ ఆంటోనీ సినిమాలకు నిర్మాతగా ఫాతిమా ఆంటోనీ వ్యవహరిస్తుంది. విజయ్ ఆంటోనీ మొదట్లో సంగీత దర్శకుడిగా అనేక సినిమాలకు పనిచేసారు. ఆయన సంగీతం అందించిన పాటల్లో, నాకు ముకా నాకు ముకా సాంగ్ చాలా ఫేమస్. సంగీత దర్శకుడి నుండి హీరోగా మారి సినిమాలు చేస్తున్నాడు. అయితే బిచ్చగాడు సినిమాతో హీరోగా విజయ్ ఆంటోనీకి మంచి సక్సెస్ వచ్చింది. అప్పటి నుండి తన సినిమాలను తెలుగులోనూ అనువాదం చేస్తున్నాడు. రీసెంట్ గా ఆయన నటించిన హత్య సినిమా థియేటర్లలో విడుదలైంది.
