Vijay Devarakonda: కొత్త లుక్‌తో ద‌ర్శ‌న‌మిచ్చిన విజయ్ దేవరకొండ.. ఆ సినిమా కోస‌మేనా.!
ఈ వార్తాకథనం ఏంటి
టాలీవుడ్‌లో అగ్రహీరోగా వెలుగొందుతున్న విజయ్ దేవరకొండ తాజాగా తన కొత్త లుక్‌తో అభిమానులకు కనిపించాడు. ఇప్పటివరకు 'కింగ్‌డమ్' చిత్రానికి సంబంధించిన షూటింగ్ కోసం చిన్న జుట్టుతో కనిపించిన విజయ్, ప్రస్తుతం మీసాలు లేకుండా క్లీన్ షేవ్‌లో,జుట్టు పెంచి కొత్త స్టైలిష్ లుక్‌లో దర్శనమిచ్చాడు. ఈ లుక్‌ ఆయన తదుపరి సినిమా కోసం ప్రత్యేకంగా డిజైన్ చేసినదిగా సమాచారం. ఇటీవల గౌతమ్ తిన్ననూరి దర్శకత్వంలో రూపొందుతున్న 'కింగ్‌డమ్' సినిమా షూటింగ్ విజయవంతంగా పూర్తి చేసిన విజయ్, ఆ చిత్రం వచ్చే నెలలో ప్రేక్షకుల ముందుకు రానుంది.
వివరాలు
రెండు ప్రాజెక్టులపై విజయ్ దృష్టి
అయితే ఈ సినిమా అనంత‌రం విజయ్ రెండు ప్రాజెక్టులపై దృష్టి సారించారు. దర్శకుడు రవి కిరణ్ కోలాతో 'రౌడీ జనార్ధన్' అనే సినిమా చేస్తుండగా, మరోవైపు 'టాక్సీవాలా' ఫేమ్ రాహుల్ సంకృత్యాన్‌తో మరో ప్రాజెక్ట్‌ను ప్రారంభించబోతున్నారు. ఈ రెండు సినిమాల్లో ఏదో ఒకదానికోసం విజయ్ తన లుక్‌ను మార్చినట్లు సమాచారం. అయితే ఈ ప్రత్యేక లుక్‌ ఏ సినిమా కోసం అన్న విషయంపై మాత్రం చిత్రబృందం నుంచి ఇంకా అధికారిక స్పష్టత రావాల్సి ఉంది.
ట్విట్టర్ పోస్ట్ చేయండి
కొత్త లుక్‌తో ద‌ర్శ‌న‌మిచ్చిన విజయ్ దేవరకొండ
Rowdy boy new look!💥 @TheDeverakonda #VijayDeverakonda #KINGDOM pic.twitter.com/kHtTqRP11V
— iDream Media (@iDreamMedia) June 26, 2025