ఫ్యామిలీ స్టార్ గ్లింప్స్: ఫ్యామిలీ మ్యాన్ గా విజయ్ దేవరకొండ.. మాస్ డైలాగులతో అదిరిపోయిన గ్లింప్స్
ఈ వార్తాకథనం ఏంటి
విజయ్ దేవరకొండ, దర్శకుడు పరశురామ్ కాంబినేషన్లో తెరకెక్కిన గీతగోవిందం సినిమా ఎంత పెద్ద సక్సెస్ అయ్యిందో ప్రత్యేకంగా చెప్పాల్సిన పనిలేదు.
అర్జున్ రెడ్డి తర్వాత రిలీజ్ అయిన గీత గోవిందం సినిమాతో విజయ్ దేవరకొండకు స్టార్ స్టేటస్ వచ్చింది.
ప్రస్తుతం దర్శకుడు పరశురామ్ తో కలిసి మరో సినిమా చేస్తున్నాడు. దిల్ రాజు నిర్మాతగా శ్రీ వెంకటేశ్వర క్రియేషన్స్ బ్యానర్లో రూపొందుతున్న ఈ సినిమాకు ఫ్యామిలీ స్టార్ అనే టైటిల్ ని ఫిక్స్ చేశారు.
తాజాగా ఫ్యామిలీ స్టార్ గ్లింప్స్ ని విడుదల చేశారు. ఈ గ్లింప్స్ వీడియోలో విజయ్ దేవరకొండ లుక్, డైలాగులు ఆసక్తికరంగా ఉన్నాయి.
Details
ఐరన్ వంచితేనే మగాడా అంటూ విజయ్ దేవరకొండ మాటలు
లైన్ లో నిలబడి ఉల్లిపాయలు కొనుక్కురావడం, పిల్లల్ని రెడీ చేసే స్కూలుకు పంపించినంత ఈజీ కాదు సెటిల్మెంట్ చేయడం అని విలన్ బెదిరిస్తాడు.
ఉల్లిపాయలు కొంటే మనిషి కాదా, పిల్లల్ని రెడీ చేసి పంపితే మగాడు కాదా, ఐరన్ ను వంచితే మగాడా అంటూ ఐరన్ రాడ్ ను విజయ దేవరకొండ వంచిన సీన్ ని గ్లిప్స్ లో చూపించారు.
ఆ తర్వాత విలన్ గ్యాంగ్ లో ఒకతన్ని కొట్టి, సారీ.. కొబ్బరికాయ తేలేదు, అందుకే తలకొట్టేసాను అంటూ విజయ్ దేవరకొండ మాట్లాడడం వేరే లెవెల్ లో ఉందని చెప్పవచ్చు.
మృణాల్ ఠాకూర్ హీరోయిన్ గా కనిపిస్తున్న ఫ్యామిలీ స్టార్ ఈ సినిమాను 2024 సంక్రాంతి కానుకగా ప్రేక్షకుల ముందుకు తీసుకొస్తున్నారు.