విమానం రివ్యూ: కొడుకు కోరికను తీర్చాలనుకునే తండ్రి కథ ఎలా ఉందంటే?
ఈ వార్తాకథనం ఏంటి
తమిళ దర్శకుడు, నటుడు సముద్రఖని ప్రధాన పాత్రలో రూపొందిన విమానం, ఈరోజు థియేటర్లలో రిలీజైంది. ఈ సినిమాలో మాస్టర్ ధృవన్, రాహుల్ రామకృష్ణ, అనసూయ, ధన్ రాజ్ కీలక పాత్రల్లో నటించారు.
కథ:
దివ్యాంగుడైన వీరయ్య(సముద్రఖని) తన కొడుకు రాజును(మాస్టర్ ధృవన్) ప్రేమగా చూసుకుంటాడు. రాజుకు చిన్నప్పటి నుండి విమానం ఎక్కాలన్న కోరిక ఉంటుంది.
సులభ్ కాంప్లెక్స్ నడుపుకునే వీరయ్య దగ్గర అంత డబ్బు ఉండదు. అయితే అనుకోకుండా రాజును విమానం ఎక్కించాల్సిన పరిస్థితి వస్తుంది. దానికోసం డబ్బులు ఎలా తీసుకురావాలో వీరయ్యకు అర్థం కాదు.
అదే బస్తీలో ఉండే వేశ్య సుమతి(అనసూయ), కోటి(రాహుల్ రామకృష్ణ), డేనియల్(ధన్ రాజ్) జీవితాల కథ ఏంటి? వీరందరూ వీరయ్యకు ఎలా సాయం చేసారన్నదే కథ.
Details
విమానం సినిమా ప్లస్సులు, మైనస్సులు
తండ్రీ కొడుకుల మధ్య బంధం ఆకట్టుకునే విధంగా ఉంది. తండ్రిగా సముద్రఖని నటన బాగుంది. కొడుక్కి వచ్చిన సమస్యను దూరం చేయడానికి తండ్రి పడే తపన ఇందులో కనిపిస్తుంది.
విమానం సినిమాలో మాటలు హైలైట్ గా నిలుస్తాయి. నాన్న గురించి, పేదరికం గురించి వినిపించే డైలాగులు కళ్ళలో నీళ్ళు తెప్పిస్తాయి. సుమతి పాత్రలో అనసూయ చెప్పిన డైలాగులు బాగున్నాయి.
చరణ్ అర్జున్ అందించిన నేపథ్య సంగీతం, పాటలు సినిమాను మరోమెట్టు ఎక్కించాయి. సుమతి, కోటి, ధన్ రాజ్ పాత్రల నిడివి ఇంకా ఎక్కువగా ఉంటే బాగుంటుంది అనిపించింది.
కథనం నెమ్మదిగా సాగుతుండడం ప్రేక్షకుడిని కొంత ఇబ్బంది పెడుతుంది. కాకపోతే పతాక సన్నివేశాలకు చేరుకునే వరకు ఆ ఇబ్బంది ఎక్కడా కనిపించదు.
Details
అతిధి పాత్రలో మీరా జాస్మిన్
విమానం సినిమాలో నటీనటులందరూ తమ పాత్రల పరిధి మేరకు బాగా నటించారు. కథంతా ప్రధాన పాత్రలైన వీరయ్య, రాజు చుట్టూ తిరుగుతుంది కాబట్టి సముద్రఖని, మాస్టర్ ధృవన్ లు ఆ పాత్రాల్లో ఒదిగిపోయారు.
దర్శకుడు శివ ప్రసాద్ యానాల్ సింపుల్ కథను రాసుకున్నాడు. దాన్ని తెరకెక్కించడంలో కొత్తదనం కనిపించకపోయినా ఎమోషన్ సీన్లు బలంగా ఉన్నాయి.
హీరోయిన్ మీరా జాస్మిన్ అతిధి పాత్రలో కనిపిస్తుంది. ఓవరాల్ గా చూస్తే విమానం సినిమా ఒక ఎమోషనల్ రైడ్. తండ్రీ కొడుకుల మధ్య బంధాన్ని చాలా బాగా చూపిస్తుంది.