సాయి ధరమ్ తేజ్ యాక్సిడెంట్ తర్వాత కోమాలో ఉన్నానంటున్న విరూపాక్ష దర్శకుడు
విరూపాక్ష సినిమాతో ప్రేక్షకుల ముందుకు వచ్చిన సాయి ధరమ్ తేజ్, బాక్సాఫీసు వద్ద వసూళ్ళ సునామీని సృష్టిస్తున్నాడు. మిస్టికల్ థ్రిల్లర్ గా వచ్చిన విరూపాక్ష సినిమాను చూడడానికి జనాలందరూ ఆసక్తిగా చూపిస్తున్నారు. ఇప్పటివరకు 50కోట్ల కలెక్షన్లు వసూలు చేసింది విరూపాక్ష. అయితే తాజాగా ఒకానొక ఇంటర్వ్యూలో మాట్లాడిన విరూపాక్ష దర్శకుడు కార్తీక్ దండు, సాయి ధరమ్ తేజ్ కు యాక్సిడెంట్ జరిగినపుడు తనెలా ఫీలయ్యాడో చెప్పుకొచ్చాడు. మరికొన్ని రోజులైతే విరూపాక్ష సినిమా మొదలవుతుందనగా, ఒకరోజు ఆఫీసులో కూర్చుని సినిమా గురించి డిస్కస్ చేస్తుండగా, అక్కడున్న అందరి ఫోన్లు ఒకేసారి వైబ్రేట్ అయ్యాయట. అలాగే, ఆఫీస్ బాయ్ పరుగెత్తుకుంటూ వీళ్ళ దగ్గరికి వచ్చాడట.
సుకుమార్ సాయంతోనే మరో సినిమా
యాక్సిడెంట్ గురించి ఆఫీస్ బాయ్ చెప్పగానే, టీవీ ఆన్ చేసి చూసారట. దాదాపు 22రోజులు హాస్పిటల్ లోనే తేజ్ ఉన్నాడని, ఆ 22 రోజులు తను హైదరాబాద్ లోనే ఉన్నా కోమాలో ఉన్నట్లుగా ఫీలయ్యానని దర్శకుడు కార్తీక్ దండు చెప్పుకొచ్చాడు. యాక్సిడెంట్ నుండి రికవరీ అయిన తేజ్ కి మాట సరిగ్గా రాలేదట. దాంతో స్పీచ్ థెరపీ తీసుకున్నాడట. అలాగే డ్యాన్స్ ప్రాక్టీస్ కూడా చేసాడట. ఆ తర్వాత పూర్తి షూటింగ్ లోకి దిగిపోయామని కార్తీక్ తెలియజేసాడు. ఇక తన తర్వాతి సినిమా గురించి మాట్లాడిన కార్తీక్, సుకుమార్ తో ఒక కథ డిస్కస్ చేసామనీ, మరికొద్ది రోజుల్లో సినిమా ప్రకటన ఉంటుందని అన్నాడు.
