మార్క్ ఆంటోనీ సాంగ్ అప్డేట్: తెలుగు మార్కెట్ పై ఫోకస్ పెట్టిన విశాల్
ఈ వార్తాకథనం ఏంటి
తెలుగు వాడైన విశాల్, తమిళంలో హీరోగా సినిమాలు చేస్తున్నారు. ప్రస్తుతం విశాల్ నుండి మార్క్ ఆంటోనీ సినిమా రాబోతుంది.
ఈ సినిమాపై ప్రేక్షకుల్లో మంచి అంచనాలు ఏర్పడ్డాయి. దానికి కారణం టీజర్, ట్రైలర్ అని చెప్పవచ్చు.
మార్క్ ఆంటోనీ ట్రైలర్ లో కొత్త అంశాలు చాలా కనిపించాయి. హీరో విశాల్ గెటప్ నుండి మొదలుకుని అన్నీ కొత్తగా ఉన్నాయి. అందుకే ఈ సినిమాపై అంచనాలు పెరుగుతున్నాయి.
పాటలు కూడా మార్క్ ఆంటోనీ సినిమా మీద ఆసక్తి కలగడానికి కారణమయ్యాయి. ఇప్పటివరకు రిలీజైన నాలుగు పాటలకు ప్రేక్షకుల నుండి మంచి రెస్పాన్స్ వచ్చింది.
ప్రస్తుతం ఐదవ పాటను రిలీజ్ చేయబోతున్నారు.
Details
వీరభద్రస్వామి పాట విడుదలపై అప్డేట్
మార్క్ ఆంటోనీ సినిమాలోని వీరభద్రస్వామి అనే ఐదవ పాటను సెప్టెంబర్ 9వ తేదీన రిలీజ్ చేస్తున్నట్లు విశాల్ ప్రకటించారు.
తమిళం పాటతో పాటు తెలుగులో కూడా అదే రోజున రిలీజ్ చేస్తున్నట్లు విశాల్ తెలియజేసారు.
అధిక్ రవిచంద్రన్ దర్శకత్వం వహించిన ఈ సినిమాను మినీ స్టూడియోస్ బ్యానర్ పై వినోద్ కుమార్ నిర్మించారు.
రీతూ వర్మ, అభినయ హీరోయిన్లుగా కనిపిస్తున్న ఈ సినిమాలో సునీల్, ఎస్ జే సూర్య, సెల్వరాఘవన్ ప్రధాన పాత్రల్లో కనిపించనున్నారు.
విభిన్నమైన కాన్సెప్ట్ తో వస్తున్న మార్క్ ఆంటోనీ సినిమా సెప్టెంబర్ 15వ తేదీన విడుదల అవుతుంది.