ఇటు తెలుగులో, అటు హిందీలో ఒకేసారి వస్తున్న దాస్ కా ధమ్కీ, కానీ తేడా అదొక్కటే
ఈ వార్తాకథనం ఏంటి
విశ్వక్ సేన్ నటించిన దాస్ కా ధమ్కీ చిత్రం ఈరోజు ఓటీటీలోకి ప్రత్యక్షమైంది. ఆహా ద్వారా తెలుగు ఓటీటీ ప్రేక్షకులకు ఈరోజు నుంచి అందుబాటులో ఉండనుంది. ఇదే టైంలో హిందీలో థియేటర్లలో రిలీజ్ అయింది. అవును, ఇటు తెలుగు ప్రేక్షకుల కోసం ఓటీటీలో, అటు హిందీ ప్రేక్షకుల కోసం థియేటర్లలో విడుదలైంది. నిజానికి ఈ సినిమా తెలుగులో థియేటర్లలో రిలీజ్ అయినప్పుడే హిందీలో కూడా రిలీజ్ కావాల్సింది. ట్రైలర్ రిలీజ్ టైం లో కూడా పాన్ ఇండియా లెవెల్ లో రిలీజ్ అవుతుందన్నట్టుగా ప్రకటించారు. సడెన్ గా ఏమైందో తెలియదు కానీ హిందీలో రిలీజ్ అవ్వలేదు. ఇప్పుడు 20 రోజుల తర్వాత హిందీ ప్రేక్షకులను అలరించడానికి థియేటర్లలోకి వచ్చేసింది.
Details
తెలుగులో ఆకట్టుకోని దాస్ కా ధమ్కీ
దాస్ కా ధమ్కీ చిత్రం తెలుగు ప్రేక్షకులను పెద్దగా ఆకట్టుకోలేకపోయింది. ఉగాది కానుకగా రిలీజ్ అయిన ఈ సినిమాకు మంచి ఓపెనింగ్స్ వచ్చాయి. కాకపోతే సినిమా మాత్రం సక్సెస్ కాలేక యావరేజ్ గా నిలిచిపోయింది. దాస్ కా ధమ్కీ కథ: స్టార్ హోటల్ లో వెయిటర్ గా పనిచేసే కృష్ణదాస్ (విశ్వక్సేన్), డబ్బున్నవాడిగా బిల్డప్ ఇస్తూ కీర్తీ(నివేత పేతురాజ్) ని ప్రేమలో పడగొడతాడు. కీర్తి కూడా కృష్ణదాస్ డబ్బున్న వాడనుకుని అతని మాయలో పడిపోతుంది. ఇదే టైంలో సీఈవో సంజయ్(విశ్వక్ సేన్) రోడ్ యాక్సిడెంట్ లో చనిపోతాడు. ఇప్పుడు వెయిటర్ గా ఉన్న విశ్వక్ సేన్, సంజయ్ ప్లేస్ లోకి వస్తాడు. ఆ తర్వాత ఏం జరిగిందనేదే కథ.