Virosh Wedding Guests: ఉదయ్పూర్లో వెడ్డింగ్ సందడి స్టార్ట్.. విజయ్-రష్మిక పెళ్లికి తరుణ్, ఈషా గ్రాండ్ ఎంట్రీ!
ఈ వార్తాకథనం ఏంటి
'విరోష్' వెడ్డింగ్కు కౌంట్డౌన్ మొదలైంది. విజయ్ దేవరకొండ - రష్మిక మందన్న పెళ్లి వేడుకల కోసం ఉదయ్పూర్లో ఇప్పటికే సెలబ్రిటీల రాకపోకలు ప్రారంభమయ్యాయి. మొదటగా దర్శకుడు తరుణ్ భాస్కర్, నటి ఈషా రెబ్బ అక్కడి ఎయిర్పోర్ట్లో దిగడం విశేషం. మొత్తం 100 మంది అతిథుల సమక్షంలో ఈ వివాహం జరగనున్నట్లు సమాచారం. టాలీవుడ్ క్యూట్ కపుల్గా పేరు తెచ్చుకున్న విజయ్-రష్మిక వివాహ బంధంతో ఒక్కటవడానికి సమయం దగ్గరపడింది. ఉదయ్పూర్లోని విలాసవంతమైన ఐటీసీ హోటల్స్ ద్వారా జ్ఞాపికలలో ఫిబ్రవరి 26న ఈ రాయల్ వెడ్డింగ్ అంగరంగ వైభవంగా నిర్వహించనున్నారు. ఇరు కుటుంబాలతో పాటు అభిమానులు కూడా ఈ వేడుక కోసం ఆసక్తిగా ఎదురుచూస్తున్నారు.
Details
ఉదయ్పూర్ ఎయిర్పోర్ట్లో సినీ సందడి
అభిమానులు ప్రేమగా 'విరోష్' (VIROSH) అని పిలుచుకునే ఈ జంట పెళ్లి వేడుకల సందడి ఇప్పటికే మొదలైంది. పెళ్లికి మరో రెండు రోజులు మాత్రమే ఉండగా అతిథులు వరుసగా ఉదయ్పూర్ చేరుకుంటున్నారు. తరుణ్ భాస్కర్, ఈషా రెబ్బ కలిసి ఎయిర్పోర్ట్లో కనిపించడం ప్రత్యేక ఆకర్షణగా మారింది. వీరిద్దరూ రిలేషన్షిప్లో ఉన్నారనే పుకార్ల మధ్య కలిసే పెళ్లికి హాజరవడం చర్చనీయాంశమైంది. వీరితో పాటు ప్రముఖ సెలబ్రిటీ స్టైలిస్ట్ శ్రావ్య వర్మ కూడా అక్కడ దర్శనమిచ్చారు. అభిమానులు ఈ ఫొటోలను సోషల్ మీడియాలో షేర్ చేస్తూ వెడ్డింగ్ వేడుకలు మొదలయ్యాయని కామెంట్లు చేస్తున్నారు.
Details
కేవలం 100 మంది ప్రత్యేక ఆహ్వానితులు
తాజా సమాచారం ప్రకారం, ఈ డెస్టినేషన్ వెడ్డింగ్కు కేవలం 100 మంది అతిథులకే ఆహ్వానం పంపించారు. అత్యంత సన్నిహితులు, కుటుంబ సభ్యులు, పరిశ్రమకు చెందిన కొద్దిమంది ప్రముఖులే ఈ జాబితాలో ఉన్నారు. విజయ్ కెరీర్లో మైలురాయిగా నిలిచిన 'పెళ్లి చూపులు' దర్శకుడు తరుణ్ భాస్కర్తో పాటు 'అర్జున్ రెడ్డి'తో స్టార్డమ్ తెచ్చిపెట్టిన సందీప్ రెడ్డివంగా కూడా ఆహ్వానితులలో ఉన్నారని తెలుస్తోంది.
Details
హైదరాబాద్లో గ్రాండ్ రిసెప్షన్
ఫిబ్రవరి 26న ఉదయ్పూర్లో సాంప్రదాయంగా పెళ్లి అనంతరం, సినీ పరిశ్రమకు చెందిన ఇతర ప్రముఖులు, స్నేహితులు, శ్రేయోభిలాషుల కోసం మార్చి 4న హైదరాబాద్లో భారీ రిసెప్షన్ నిర్వహించనున్నట్లు ఇప్పటికే అధికారికంగా ప్రకటించారు. వేదిక అలంకరణలు, ప్రత్యేక ఏర్పాట్లు, ఇతర ముఖ్య అతిథుల వివరాలు పెళ్లికి ముందుగా వెల్లడయ్యే అవకాశం ఉంది. మొత్తానికి, విజయ్-రష్మికల రాయల్ వెడ్డింగ్ టాలీవుడ్లో హాట్ టాపిక్గా మారింది.