టీవీల్లోకి వచ్చేస్తున్న రైటర్ పద్మభూషణ్: ఏ ఛానల్ లో టెలిక్యాస్ట్ అవుతుందంటే?
ఈ వార్తాకథనం ఏంటి
టాలీవుడ్ యంగ్ హీరో సుహాస్, టీనా శిల్పా రాజ్ జంటగా నటించిన రైటర్ పద్మభూషణ్ సినిమా ఈ వారం వరల్డ్ టెలివిజన్ ప్రీమియర్‌గా వస్తోంది.
అద్భుతమైన కథ, కథనంతో బాక్సాఫీస్ వద్ద మంచి సినిమాగా నిలిచింది సినిమా రైటర్ పద్మభూషణ్.
ప్రస్తుతం ఈ సినిమా టీవీల్లోకి వచ్చేస్తోంది. మే 28వ తేదీన ఆదివారం సాయంత్రం 6గంటలకు, జీ తెలుగులో ప్రసారం కానుంది. ఈ సినిమాలో పద్మభూషణ్గా సుహాస్ నటించారు.
పద్మభూషణ్ తన మొదటి పుస్తకం తొలి అడుగును ప్రచురించి అందరిచేత గుర్తించబడాలని కోరుకుంటాడు.
అనుకోకుండా వేరే పుస్తకం ద్వారా పద్మభూషణ్ను అందరూ గొప్ప రచయితగా గుర్తించి అభినందిస్తారు. అయితే, అంతా అనుకున్నట్లు ఆ పుస్తకం రాసింది అతను కాదు.
Details
కొడుకు కోసం అమ్మ పడే తపన రైటర్ పద్మభూషణ్
తన పేరుతో ఎవరు పుస్తకం రాశారో తెలుసుకోవాలనుకుంటాడు పద్మభూషణ్. ఇంతకీ ఆ రచయిత ఎవరు? వేరే రచయిత పద్మభూషణ్ పేరును ఎందుకు ఉపయోగించారు? ఈ ప్రశ్నలన్నింటికీ సమాధానం తెలియాలంటే సినిమా చూడాల్సిందే.
కామెడీ, సెంటిమెంట్తో కూడిన ఈ సినిమాలో, సుహాస్ నటన, కథలో ట్విస్ట్ అందరి మనసునూ హత్తుకుంటుంది. క్లైమాక్స్తో అందరినీ కట్టిపడేశాడు దర్శకుడు.
రైటర్ పద్మభూషణ్ సినిమా ప్రతి ఒక్కరికీ తల్లినీ, ఆమె తమకోసం చేసిన త్యాగాలను గుర్తుచేస్తుంది. రైటర్ అవ్వాలనే కొడుకు కల నెరవేరేందుకు తపన పడే తల్లిగా రోహిణి అందరిచేతా కంటతడి పెట్టిస్తారు.
ఈ సినిమాలో ఆశిష్ విద్యార్థి, శ్రీ గౌరీ ప్రియా రెడ్డి, గోపరాజు రమణ, ప్రవీణ్ కటారియా సహాయక పాత్రల్లో నటించారు