Prabhas: డూడ్ ప్రమోషన్ ఈవెంట్‌లో ప్రభాస్ మూవీ టైటిల్ లీక్ చేసిన యువ హీరో
ఈ వార్తాకథనం ఏంటి
పాన్ ఇండియా స్టార్ ప్రభాస్ ప్రస్తుతం హను రాఘవపూడి దర్శకత్వంలో ఓ పీరియాడికల్ యాక్షన్ డ్రామాలో నటిస్తున్నాడు. 'సీతారామం' తరువాత ప్రభాస్ చేస్తున్న ఈసినిమా మైత్రీ మూవీ మేకర్స్ నిర్మాణంలో రూపొందుతుంది, ప్రస్తుతం షూటింగ్ దశలో ఉంది. సినిమా నేపథ్యం స్వాతంత్య్రానికి ముందున్న కాలాన్ని ఆధారంగా చేసుకుని రూపొందించినట్లు తెలుస్తోంది. ఇందులో సోషల్ మీడియాలో గుర్తింపు పొందిన ఇమాన్వీ కథానాయికగా నటిస్తుంది. చివరలో మీడియా, ఫ్యాన్స్ మధ్య 'ఫౌజీ' అనే టైటిల్ చర్చగా మారింది. ఈ విషయం రాబోయే చిత్రం 'డూడ్' ప్రమోషన్ ఈవెంట్‌లో నటుడు ప్రదీప్ రంగనాథన్ ద్వారా రివీల్ అయింది. ఆయనకు అధికారికంగా టైటిల్ చెప్పలేదు, కానీ నిర్మాతలు కొన్ని క్లిప్పింగ్‌లు చూపిస్తూ 'ఫౌజీ' అని చెప్పటంతో టైటిల్ బయటపడింది.
Details
పాన్ ఇండియా స్థాయిలో 'ఫౌజీ'
ప్రదీప్ మాట్లాడుతూ, "మా నిర్మాతలు, నవీన్ సర్, రవి సర్ చాలా ప్యాషనేట్‌గా ఉన్నారు, కొన్ని క్లిప్పింగ్‌లు చూపించారే, నేను 'ఫౌజీ' అని చెప్పేసానా అనుకుంటున్నానని చెప్పాడు. ఈ సినిమా పాన్ ఇండియా స్థాయిలో రూపొందుతోంది. యాక్షన్, భావోద్వేగాలు, దేశభక్తి అంశాలు కలిపి కథ సాగుతుంది. ప్రభాస్ ఇందులో సైనికుడి శక్తివంతమైన పాత్ర పోషిస్తున్నాడని సమాచారం. ఇప్పటికే ప్రభాస్ చేతిలో 'కల్కి 2898', 'సలార్ పార్ట్ 2' వంటి భారీ ప్రాజెక్టులు ఉన్న నేపథ్యంలో 'ఫౌజీ' కూడా భారీ క్రేజ్ పొందే అవకాశం ఉంది. ప్రస్తుతం మైత్రీ మూవీ మేకర్స్ ప్రదీప్ వ్యాఖ్యలపై అధికారిక ప్రకటన చేయలేదని తెలుస్తోంది, కానీ త్వరలో టైటిల్ అధికారికంగా వెల్లడించే అవకాశం ఉంది.