హైదరాబాద్లో 2BHK ఇళ్ల పంపకానికి రంగం సిద్ధం.. దశల వారీగా 75 వేళ ఇళ్ల పంపిణీ
ఈ వార్తాకథనం ఏంటి
హైదరాబాద్ మహానగర వాసులకు తెలంగాణ ప్రభుత్వం గుడ్ న్యూస్ అందించింది. గ్రేటర్ పరిధిలో నిర్మించిన డబుల్ బెడ్రూం(2BHK) ఇళ్లను పంపిణీ చేసేందుకు ముహుర్తానికి రంగం సిద్ధం అవుతోంది.
ఈ మేరకు వచ్చే వారం నుంచే ఆయా లబ్దిదారులకు రెండు పడక గదులను అందిస్తామని మంత్రి కేటీఆర్ ప్రకటించారు. తొలివిడతలో భాగంగా సుమారు 75 వేలకుపైగా డబుల్ బెడ్రూంలను పంపిణీ చేస్తామన్నారు.
హైదరాబాద్ పరిధిలో ఉన్న మంత్రులు తలసాని శ్రీనివాస్ యాదవ్, సబితా ఇంద్రారెడ్డి, మహమూద్ అలీతో సహా డిప్యూటీ స్పీకర్ పద్మారావు గౌడ్ లతో కేటీఆర్ సమావేశం నిర్వహించారు.
జీహెచ్ఎంసీ ఉన్నతాధికారులు సైతం ఈ భేటీకి హాజరయ్యారు. ఈ క్రమంలోనే ఇళ్ల పంపిణీపై చర్చించినట్లు అధికార వర్గాలు పేర్కొన్నాయి.
details
రాజకీయ జోక్యం లేకుండా జాగ్రత్తలు తీసుకున్నాం : మంత్రి కేటీఆర్
ఇప్పటికే దరఖాస్తు చేసుకున్న లబ్ధిదారుల ఎంపిక పక్రియ పూర్తి కావొచ్చిందని అధికారులు మంత్రుల దృష్టికి తీసుకెళ్లారు. వెరిఫికేషన్ ప్రాసెస్ ను మరింత వేగంగా పూర్తి చేయాలని మంత్రి కేటీఆర్ ఆదేశించారు.
గ్రేటర్ హైదరాబాద్ పరిధిలో దాదాపు లక్ష డబుల్ బెడ్రూం ఇళ్లను పేదలకు అందించాలనే లక్ష్యంతో ప్రభుత్వం పనిచేస్తోందన్నారు. ఇప్పటికే 70 వేల నివాసాలు నిర్మించామన్నారు.
చివరి దశలో ఉన్న మరో ఐదు వేల ఇళ్లను నిర్మించి వచ్చే వారం నుంచే పంపిణీి చేస్తామన్నారు. మరోవైపు గ్రేటర్ లో ఇప్పటికే 4,500ల ఇళ్లను లబ్దిదారులకు అందించామన్నారు.
లబ్ధిదారుల గుర్తింపులో గానీ ఎంపికలో గానీ రాజకీయ జోక్యం లేకుండా జాగ్రత్తలు తీసుకున్నట్లు మంత్రి కేటీఆర్ అన్నారు. అధికారులు క్షేత్రస్థాయిలో పరిశీలించి, అర్హులను గుర్తించారన్నారు.