Piduguralla: పిడుగురాళ్ల వైద్యకళాశాలకు 837 కొత్త పోస్టులు మంజూరు

వ్రాసిన వారు Sirish Praharaju

Jan 09, 2026

12:58 pm

ఈ వార్తాకథనం ఏంటి

పల్నాడు జిల్లా పిడుగురాళ్ల ప్రభుత్వ వైద్యకళాశాల,దానికి అనుబంధంగా ఉన్న బోధనాసుపత్రి బలోపేతం కోసం ప్రభుత్వం 837 కొత్త పోస్టులను మంజూరు చేస్తూ గురువారం ఉత్తర్వులు జారీ చేసింది. కొత్తగా పోస్టులు సృష్టించకుండా, మార్కాపురం, మదనపల్లె, పులివెందుల, ఆదోని ప్రభుత్వ సాధారణ ఆసుపత్రుల నుండే ఈ పోస్టులను కేటాయించటం జరిగింది. ప్రభుత్వం ఇప్పటికే ఆ ఆసుపత్రులను పీపీపీ విధానంలో నిర్వహించడానికి ప్రతిపాదించడంతో, అక్కడున్న పోస్టులను మళ్లించటం ద్వారా ఈ నిర్ణయం తీసుకుంది. అలాగే, పిడుగురాళ్ల ప్రభుత్వ వైద్యకళాశాలలో 2026-27 విద్యాసంవత్సరం నుండి ప్రవేశాలు ప్రారంభించడానికి చర్యలు చేపట్టడం ప్రభుత్వం నిర్ణయించింది. దీనిలో భాగంగా, ఆసుపత్రి పడకల సామర్థ్యాన్ని 330 నుండి 420కి పెంచడం గురువారం ఉత్తర్వుల్లో స్పష్టంగా పేర్కొనబడింది.