Borewell: బారుబావిలో పడిన రెండున్నరేళ్ల బాలిక మృతి
గుజరాత్ (Gujarat)లోని ద్వారకలోని రాన్ గ్రామంలో సోమవారం రెండున్నరేళ్ల బాలిక బోరుబావిలో పడిన విషయం తెలిసిందే. అయితే రెస్క్యూ టీమ్ ఆ బాలికను ప్రాణాలతో రక్షించినా.. చికిత్స పొందుతూ ఆస్పత్రిలో మృతి చెందింది. దీంతో బోరుబావిలో చిన్నారి కథ విషాదాంతమైంది. 100 అడుగుల లోతున్న బోరుబావిలో పడిన బాలిక.. 30 నుంచి 35 అడుగుల లోతులో చిక్కుకుంది. రాత్రి 9:48 గంటలకు బాలికను ఎన్డీఆర్ఎఫ్ రెస్క్యూ టీమ్ బయటకు తీసింది. రాత్రి 10 గంటల సమయంలో బాలికను ఆస్పత్రికి తరలించగా, అప్పటికే ఆమె చనిపోయిందని వైద్యులు తెలిపారు. బాలికను ఏంజెల్ షఖ్రాగా గుర్తించారు. సోమవారం మధ్యాహ్నం ఒంటిగంట సమయంలో ఆడుకుంటూ బోరుబావిలో పడిపోయింది.