AAP: ఆప్ ఢిల్లీ ఎన్నికల మేనిఫెస్టో విడుదల: కేజ్రీవాల్ 15 'గ్యారంటీలు'
ఈ వార్తాకథనం ఏంటి
దిల్లీ అసెంబ్లీ ఎన్నికలు సమీపిస్తున్నందున ఆమ్ ఆద్మీ పార్టీ (AAP) తమ ఎన్నికల మేనిఫెస్టోను ప్రకటించింది.
విద్యార్థులు, మహిళల సంక్షేమాన్ని దృష్టిలో ఉంచుకుని, ఆప్ ఎన్నో హామీలు ఇచ్చింది.
పార్టీ జాతీయ కన్వీనర్, మాజీ ముఖ్యమంత్రి అరవింద్ కేజ్రీవాల్ ఈ మేనిఫెస్టోను విడుదల చేశారు.
ఐదేళ్లలో ఇచ్చిన అన్ని హామీలను అమలుచేస్తామని అన్నారు.
వివరాలు
ఆప్ గ్యారెంటీలు ఇవీ..
ఉద్యోగాల కల్పన: నిరుద్యోగం లేని రాజధానిగా దిల్లీని మార్చడమే లక్ష్యంగా, యువతకు ఉద్యోగ అవకాశాలు కల్పిస్తామని చెప్పారు.
మహిళా సమ్మాన్ యోజన: అర్హులైన మహిళలకు నెలకు ₹2,100 పథకం కింద అందజేస్తారు.
సంజీవని పథకం: 60 ఏళ్లు పైబడిన వారికి ప్రభుత్వ, ప్రైవేటు ఆస్పత్రుల్లో ఉచిత వైద్యం అందజేస్తారు. అలాగే నీటి సరఫరా బిల్లులను రద్దు చేస్తారు.
విద్యార్థుల కోసం ప్రత్యేకంగా: ఉచిత బస్సు ప్రయాణ సౌకర్యం, డా. అంబేద్కర్ స్కాలర్‌షిప్ స్కీమ్, దిల్లీ మెట్రోలో 50% రాయితీ.
వృద్ధుల కోసం ప్రత్యేక సేవలు: వృద్ధులకు ఉచిత వైద్య సౌకర్యాలు.
వివరాలు
ఆప్ గ్యారెంటీలు ఇవీ..
మురుగు సమస్య పరిష్కారం: దిల్లీ నగరంలో మురుగు నీటి వ్యవస్థను మెరుగుపరచడం.
ప్రజా సేవల పథకాలు: పూజారులు, గ్రంథీలు ఒక్కొక్కరికి ₹18,000; ఆటో, టాక్సీ, ఈ-రిక్షా డ్రైవర్ల కుమార్తెల వివాహాలకు ₹1 లక్ష సహాయం. వారి పిల్లలకు ఉచిత కోచింగ్, జీవిత బీమా అందించనున్నారు.
ఇన్‌ఫ్రాస్ట్రక్చర్ అభివృద్ధి: 24 గంటల నీటి సరఫరా, యమునా నది శుభ్రం, యూరప్‌ మాదిరిగా రోడ్ల నిర్మాణం.
ఆర్‌డబ్ల్యూఏలకు ప్రోత్సాహం: రెసిడెంట్ వెల్ఫేర్ అసోసియేషన్‌ (ఆర్‌డబ్ల్యూఏ)లకు ప్రైవేటు గార్డులు అందజేయడం.
మొత్తం 15 ప్రధాన గ్యారెంటీలతో మేనిఫెస్టోను ప్రకటిస్తూ, గత ఐదేళ్లలో ఇచ్చిన హామీలన్నిటినీ అమలు చేస్తామని కేజ్రీవాల్ పేర్కొన్నారు.