Election Commission: 24న ఎన్నికల సంఘాల జాతీయ సదస్సు

వ్రాసిన వారు Sirish Praharaju

Feb 05, 2026

03:33 pm

ఈ వార్తాకథనం ఏంటి

దేశంలోని అన్ని రాష్ట్రాల ఎన్నికల సంఘాల మధ్య సమన్వయాన్ని మరింత పెంపొందించడానికి భారత ఎన్నికల సంఘం (ఈసీఐ) ఈ నెల 24న ఢిల్లీలో జాతీయ సదస్సు నిర్వహించనుంది. ఈ రాష్ట్రాల ముఖ్య ఎన్నికల అధికారులతో పాటు వారి న్యాయనిపుణులు కూడా హాజరవుతారని ఈసీఐ బుధవారం ఒక ప్రకటనలో తెలిపింది. ప్రధాన ఎన్నికల కమిషనర్ జ్ఞానేశ్‌కుమార్, ఎన్నికల కమిషనర్లు సుఖ్బీర్‌ సింగ్‌ సంధు, వివేక్‌ జోషి ఈ సదస్సుకు అధ్యక్షత వహిస్తారు. దాదాపు 27 సంవత్సరాల తర్వాత రాష్ట్రాల ఎన్నికల సంఘాల జాతీయ సదస్సు ఈసీఐ ద్వారా మళ్లీ నిర్వహించబడుతున్నది. ఈ రకమైన కార్యక్రమం చివరిసారి 1999లో జరిగి ఉంటుందని వెల్లడించబడింది.