మహిళా ప్రయాణికురాలిపై మూత్ర విసర్జన చేసిన వ్యక్తిపై నిషేధం విధించిన ఎయిర్ ఇండియా
ఈ వార్తాకథనం ఏంటి
న్యూయార్క్ నుంచి దిల్లీ ప్రయాణిస్తున్నవిమానంలో మహిళా ప్రయాణికురాలిపై మూత్ర విసర్జన చేసిన వ్యక్తిపై ఎయిర్ ఇండియా చర్యలు తీసుకుంది. మూత్ర విసర్జన చేసిన ప్రయాణికుడిపై 30 రోజలు పాటు నిషేధం విధించింది. నిషేధం ఉన్నన్ని రోజులు ఎయిర్ ఇండియా విమానంలో అతడు ప్రయాణించడానికి వీలు లేదని ఎయిర్ ఇండియా చెప్పింది.
తదుపరి చర్యల కోసం.. డైరెక్టరేట్ జనరల్ ఆఫ్ సివిల్ ఏవియేషన్(డీజీసీఏ) నివేదించినట్లు యాజమాన్యం పేర్కొంది. తమ బాధ్యతగా ఈ నిర్ణయం తీసుకున్నట్లు ఎయిర్ ఇండియా వివరించింది. ఇదిలా ఉంటే.. మహిళా ప్రయాణికురాలి ఫిర్యాదు మేరకు అతడిపై పోలీసులు కేసు నమోదు చేశారు.
ఎయిర్ ఇండియా
అంతర్గత కమిటీ ఏర్పాటు
నవంబర్ 26, 2022న న్యూయార్క్ నగరంలోని జాన్ ఎఫ్ కెన్నెడీ అంతర్జాతీయ విమానాశ్రయం నుంచి ఢిల్లీకి బయలుదేరిన ఎయిర్ ఇండియా విమానం బిజినెస్ క్లాస్‌లో మద్యం మత్తులో ఓ వ్యక్తి తొటి మహిళా ప్రయాణికురాలిపై మూత్ర విసర్జన చేశాడు.
మూత్ర విసర్జన ఘటనపై అంతర్గత కమిటీని కూడా ఎయిర్ ఇండియా యాజమాన్యం ఏర్పాటు చేసింది. ఆ కమిటీ ఇచ్చిన నివేదిక ఆధారంగా అతడిపై 30రోజుల నిషేధం విధించింది. అలాగే నిందింతుడిని 'నో-ఫ్లై లిస్ట్'లో చేర్చాలని ప్రభుత్వానికి ఎయిర్‌ఇండియా సిఫారసు చేసింది. అయితే ఈ విషయంలో ప్రభుత్వం నిర్ణయం కోసం ఎదురుచూస్తున్నామని ఎయిర్ ఇండియా అధికారి తెలిపారు.