ప్రభుత్వాస్పత్రుల్లో ఖాళీలన్నీ భర్తీ చేయాలి, నిరంతరం పర్యవేక్షించాలి: సీఎం జగన్
ఈ వార్తాకథనం ఏంటి
ఆంధ్రప్రదేశ్‌లోని ప్రభుత్వ ఆసుపత్రుల్లో ఖాళీగా ఉన్న అన్ని పోస్టులను భర్తీ చేయాలని, మౌలిక సదుపాయాలు కల్పించాలని ముఖ్యమంత్రి వైఎస్ జగన్మోహన్ రెడ్డి ఆరోగ్యశాఖ అధికారులను ఆదేశించారు. నిరంతరం వైద్య సదుపాయాలను పర్యవేక్షించాలని స్పష్టం చేశారు.
క్యాంపు కార్యాలయంలో ఆరోగ్య శాఖ మంత్రి విడదల రజిని, ఉన్నతాధికారులతో సీఎం జగన్ ఉన్నతస్థాయి సమీక్ష నిర్వహించారు.
గ్రామ దవాఖానాల నుంచి వైద్య కళాశాల ఆసుపత్రుల వరకు అన్ని ప్రభుత్వ ఆసుపత్రుల్లోని ఖాళీలను నిరంతరం పర్యవేక్షించాలన్నారు.
ఆర్టిఫిషియల్ ఇంటెలిజెన్స్(ఏఐ)ని ఉపయోగించి త్వరగా పదవీ విరమణ పొందుతున్న వైద్యులు, నర్సులు, ఇతర ఆరోగ్య సిబ్బంది సంఖ్యను జాబితా చేయాలని, అటువంటి ఖాళీలను వెంటనే భర్తీ చేయడానికి చర్యలు తీసుకోవాలని ఆదేశాలు జారీచేశారు.
ఆంధ్రప్రదేశ్
'ఫ్యామిలీ డాక్టర్' కాన్సెప్ట్‌‌ను పకడ్బందీగా అమలు చేయాలి: జగన్
'ఫ్యామిలీ డాక్టర్' కాన్సెప్ట్‌‌ను పకడ్బందీగా అమలు చేయాలని సీఎం జగన్ ఆదేశించారు. నోటిఫై చేసిన గ్రామాల్లో వైద్యుల వచ్చే సమాచారాన్ని ఆశా వర్కర్లు, ఏఎన్‌ఎం ద్వారా ముందుగానే స్థానిక ప్రజలకు తెలియజేయాలని జగన్ పేర్కొన్నారు.
కంటి వెలుగులో భాగంగా కంటిచూపు సమస్యలున్న వారికి పరీక్షలు నిర్వహించి అద్దాలు అందించాల్సిన అవసరం ఎంతైనా ఉందని సీఎం చెప్పారు.
రక్తహీనత, పౌష్టికాహార లోపం నివారణపై గ్రామ దవాఖానల ద్వారా చర్యలు తీసుకోవాలని సీఎం సూచించారు. గర్భిణులకు కూడా పౌష్టికాహారం అందించాలని జగన్ మోహన్ రెడ్డి అధికారులను కోరారు.
కమ్యూనిటీ హెల్త్ ఆఫీసర్లు తమ విధులను సమర్ధవంతంగా నిర్వర్తించేందుకు శిక్షణ నిచ్చేందుకు ప్రత్యేక ప్రణాళికలను సిద్ధం చేయాలని సీఎం జగన్ పేర్కొన్నారు.