Amritpal Singh: ఎన్నికల్లో పోటీ చేసేందుకు సిద్దమైన ఖలిస్తానీ మద్దతుదారు
ఈ వార్తాకథనం ఏంటి
అస్సాంలోని దిబ్రూగఢ్ జైలులో ఉన్న ఖలిస్తాన్ మద్దతుదారు, 'వారిస్ పంజాబ్ దే' సంస్థ అధినేత అమృతపాల్ సింగ్ పంజాబ్ నుంచి లోక్‌సభ ఎన్నికల్లో పోటీ చేయనున్నారు.
ఖాదూర్ సాహిబ్ స్థానం నుంచి స్వతంత్ర అభ్యర్థిగా పోటీ చేస్తారని అమృతపాల్ తరపు న్యాయవాది వెల్లడించారు.
జాతీయ భద్రతా చట్టం (NSA) కింద అమృతపాల్ సింగ్ దిబ్రూగఢ్ జైలులో ఉన్నారు.
అమృతపాల్ తరపు న్యాయవాది రాజ్‌దేవ్ సింగ్ ఖల్సా జైలులో ఆయనను కలిశారు, ఎన్నికల్లో పోటీ చేయడంపై ఇద్దరి మధ్య చర్చ జరిగింది.
ఈ సమయంలో, అమృతపాల్ మీడియాకి వాయిస్ సందేశాన్ని కూడా పంపారు.
పంజాబ్‌లోని ఖదూర్ సాహిబ్ నుంచి ఎన్నికల్లో పోటీ చేసేందుకు అమృతపాల్ సిద్ధంగా ఉన్నట్లు ఈ వాయిస్ మెసేజ్‌లో పేర్కొన్నారు.
Details
అమృతపాల్ ఏ కేసులో జైలులో ఉన్నాడంటే ?
ఆయన ఏ పార్టీ ఎన్నికల గుర్తుపై ఎన్నికల్లో పోటీ చేయరు. ఖల్సా ప్రకారం, అమృతపాల్ మే 7- 17 మధ్య నామినేషన్ దాఖలు చేసే అవకాశం ఉంది.
అమృత్‌పాల్ తండ్రి తార్సేమ్ సింగ్, మామ సుఖ్‌చైన్ సింగ్ శుక్రవారం జైలులో అతన్ని కలవనున్నారు. ఈ సందర్భంగా ఎన్నికల్లో పోటీ చేసే అంశంపై చర్చ జరగనుంది.
గత ఏడాది ఫిబ్రవరి 23న అమృత్‌పాల్, అతని సంస్థ 'వారిస్ పంజాబ్ దే'కి సంబంధించిన వ్యక్తులు అజ్నాలా పోలీస్ స్టేషన్‌పై దాడి చేశారు.
అమృతపాల్, అతని మద్దతుదారుల చేతుల్లో కత్తులు, కర్రలు ఉన్నాయి. ఈ తతంగం మొత్తం ఎనిమిది గంటల పాటు సాగింది.
Details
అమృతపాల్‌పై జాతీయ భద్రతా చట్టం
అమృతపాల్ మద్దతుదారు లవ్‌ప్రీత్ తూఫాన్‌ను విడుదల చేయాలనే డిమాండ్‌పై ఈ గొడవ జరిగింది.
బరీందర్ సింగ్ అనే వ్యక్తిని కిడ్నాప్ చేసి దాడి చేసినందుకు లవ్‌ప్రీత్ తూఫాన్‌ను పోలీసులు అదుపులోకి తీసుకున్నారు.
అయితే, ఆందోళన తర్వాత పోలీసులు అతన్ని విడిచిపెట్టారు. ఈ ఘటనపై పోలీసులు కేసు నమోదు చేశారు.
దీని తరువాత, అమృతపాల్ సహచరులు చాలా మంది పట్టుబడ్డారు, అయితే అతను చాలా రోజుల వరకు పరారీలో ఉన్నాడు.
తర్వాత పంజాబ్ పోలీసులు అమృతపాల్‌పై జాతీయ భద్రతా చట్టం (ఎన్‌ఎస్‌ఏ) కూడా విధించారు.
ఈ ఘటన జరిగిన రెండు నెలల తర్వాత అమృతపాల్‌ను అరెస్టు చేశారు. అప్పటి నుంచి అసోంలోని దిబ్రూగఢ్ జైలులో ఉన్నాడు. అమృతపాల్‌పై అనేక కేసులు నమోదయ్యాయి.