Patna: పాట్నాలోని కోర్టు కాంప్లెక్స్‌లో హత్యా నిందితుడిని కాల్చిచంపిన దుండగులు
పాట్నాలోని కోర్టు కాంప్లెక్స్‌లో శుక్రవారం అండర్ ట్రయల్ ఖైదీని ఇద్దరు వ్యక్తులు కాల్చి చంపారు.నిందితులిద్దరినీ అరెస్టు చేసినట్లు పోలీసులు తెలిపారు. సికిందర్‌పూర్ నివాసి అభిషేక్ కుమార్ అలియాస్ ఛోటే సర్కార్‌పై అనేక ఇతర కేసులతో పాటు హత్యా ఆరోపణలు ఉన్నాయి. నగరంలోని బ్యూర్ జైలులో ఉంచిన అతడిని ఈరోజు కోర్టు ముందు హాజరుపర్చడానికి దానాపూర్ కోర్టుకు తీసుకెళ్తుండగా ఇద్దరు వ్యక్తులు విచక్షణారహితంగా కాల్పులు జరిపి కాల్చిచంపారని పాట్నా వెస్ట్ ఎస్పీ రాజేష్ కుమార్ తెలిపారు. ఈ ప్రాంతంలో నాలుగు బుల్లెట్ షెల్స్‌ను స్వాధీనం చేసుకున్నారు. కోర్టు కాంప్లెక్స్‌లో వద్ద పరిస్థితి ఉద్రిక్తంగా ఉంది. కాల్పులు జరిపిన నిందితులను అదుపులోకి తీసుకుని విచారిస్తున్నామని, వారు ముజఫర్‌పూర్‌కు చెందిన వారని పోలీసులు తెలిపారు.
