Ancient Vishnu idol: కర్ణాటకలోని కృష్ణా నదిలో వేల ఏళ్లనాటి విష్ణువు విగ్రహం లభ్యం
ఈ వార్తాకథనం ఏంటి
కర్ణాటకలోని రాయచూర్ జిల్లాలో గల కృష్ణా నదిలో పురాతన విష్ణువు విగ్రహం లభ్యమైంది. ఈ విగ్రహం ఈ విగ్రహం ఇటీవల అయోధ్యలో ఏర్పాటు చేసిన శ్రీరాముడి విగ్రహాన్ని పోలి ఉన్నట్లు నిపుణులు చెబుతన్నారు.
ఈ విగ్రహం 11, 12వ శతాబ్దానికి చెందినదిగా నిపుణులు చెబుతున్నారు. కృష్ణా నదిలో విష్ణువు విగ్రహంతో పాటు వేల సంవత్సరాల నాటి శివలింగం కూడా లభ్యమైంది.
ఆర్కియాలజీ లెక్చరర్ డాక్టర్ పద్మజ దేశాయ్ మాట్లాడుతూ.. ఈ విష్ణుమూర్తి విగ్రహానికి ఎన్నో ప్రత్యేకతలు ఉన్నాయని చెప్పారు.
విష్ణువు చుట్టూ మత్స్య, కూర్మ, వరాహ, నరసింహ, వామన్, రాముడు, పరశురాముడు, కృష్ణుడు, బుద్ధుడు, కల్కి వంటి 'దశావతారాన్ని' వర్ణించేేది ఉందని వివరించారు.
విగ్రహం
వేంకటేశ్వరస్వామి పోలికలతో విగ్రహం
ఈ విగ్రహంలో విష్ణువు నిలువెత్తు భంగిమలో, నాలుగు చేతులు కలిగి ఉంటాడని శాస్త్రవేత్త పద్మజ దేశాయ్ తెలిపారు. ఈ విగ్రహం వేంకటేశ్వరుని పోలి ఉంటుందని గ్రంథాల్లో పేర్కొన్నారు.
ఈ విగ్రహం ఏదో ఒక ఆలయ గర్భగుడిలో ప్రతిష్టించబడినదిగా దేశాయ్ వివరించారు. ఆలయాన్ని కూల్చివేసే క్రమంలో ఈ విగ్రహాన్ని నదిలో విసిరివేసి ఉండవచ్చని తెలుస్తోంది.
ఈ విగ్రహం క్రీస్తుశకం 11వ లేదా 12వ శతాబ్దానికి చెందినదని నిపుణులు భావిస్తున్నారు.
విగ్రహాన్ని నదిలో పడేయడం వల్ల ముక్కు భాగం కాస్త దెబ్బతిన్నట్లు దేశాయ్ వెల్లడించారు.
శ్రీమహావిష్ణువుకు అలంకార ప్రియుడని, అందుకే ఆయన విగ్రహాన్ని దండలు, ఆభరణాలతో అలంకరించినట్లు చెక్కినట్లు చెప్పారు.