Two Trains Collide: విజయనగరంలో రెండు రైళ్లు ఢీ.. ఆరుగురు మృతి
ఈ వార్తాకథనం ఏంటి
ఆంధ్రప్రదేశ్‌లోని విజయనగరం జిల్లాలో ఆదివారం రాత్రి పలాస ఎక్స్‌ప్రెస్- రాయగడ ప్యాసింజర్ రైళ్లు ఢీకొన్న ప్రమాదంలో ఆరుగురు ప్రయాణికులు మృతి చెందగా, పలువురు గాయపడ్డారు. కొత్తవలస మండలం (బ్లాక్)లోని కంటకపల్లి జంక్షన్ సమీపంలో పలాస ఎక్స్‌ప్రెస్ ఢీకొనడంతో విశాఖపట్నం-రాయగడ ప్యాసింజర్ రైలుకు చెందిన మూడు కోచ్‌లు పట్టాలు తప్పాయి. విశాఖపట్నం-రాయగడ రైలు విశాఖపట్నం నుంచి ఒడిశాలోని రాయగడకు వెళ్తుండగా.. పలాస ఎక్స్‌ప్రెస్ శ్రీకాకుళం జిల్లా పలాస నుంచి విజయనగరం వెళ్తోంది. ప్రమాదం విషయం తెలుసుకున్న రైల్వే అధికారులు, రెస్క్యూ బృందాలు ఘటనాస్థలికి చేరుకుని పరిస్థితిని సమీక్షించారు.
ట్విట్టర్ పోస్ట్ చేయండి
పలువురికి గాయాలు
#Breaking: #Visakahapatnam -#Rayagada Passenger train derailed in Vizianagaram. More details awaited. pic.twitter.com/bTQEYQDLsK
— Bhaskar Basava (@bhaskar_basava_) October 29, 2023
ఏపీ
సహాయక చర్యలను ముమ్మరం చేయాలని ఏపీ సీఎం ఆదేశం
విజయనగరం నుంచి రాయగఢ్‌కు ప్రయాణికులతో వెళ్తున్న రైలు.. అదే మార్గంలో విశాఖపట్నం నుంచి పలాసకు వెళ్తున్న ప్యాసింజర్ రైలును ఢీకొనడంతో బోగీలు పట్టాలు తప్పాయని ఈస్ట్ సెంట్రల్ రైల్వే సీపీఆర్వో తెలిపారు. రెస్క్యూ ఆపరేషన్ కొనసాగుతుందని, పలువురు గాయపడ్డారని వెల్లడించారు. ప్రమాదం విషయం తెలుసుకున్న ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి.. సహాయక చర్యలను ముమ్మరం చేయాలని ఆదేశించారు. విశాఖపట్నం, విజయనగరం జిల్లాలని అత్యధిక అంబులెన్స్‌లను సంఘటనా స్థలానికి పంపించాలని సూచించారు. క్షతగాత్రులకు నాణ్యమైన వైద్యం అందించడానికి సమీపంలోని ఆసుపత్రులు పూర్తిగా సిద్ధం చేయాలన్నారు. గాయపడిన వ్యక్తులకు తక్షణ వైద్య సహాయం అందేలా చూడడానికి ఆరోగ్యం, పోలీసు, రెవెన్యూ వంటి వివిధ ప్రభుత్వ శాఖలతో సమన్వయం చేసుకోవాలని ముఖ్యమంత్రి రైల్వే అధికారులను ఆదేశించారు.