Zonal System In AP: ఏపీ ప్రభుత్వం కీలక నిర్ణయం.. కొత్త జోనల్ వ్యవస్థకు ఆమోదం
ఈ వార్తాకథనం ఏంటి
ఆంధ్రప్రదేశ్ ప్రభుత్వం కీలకమైన పరిపాలనా నిర్ణయం తీసుకుంది. రాష్ట్రంలో కొత్త జోనల్ వ్యవస్థ ఏర్పాటు చేయడానికి గ్రీన్ సిగ్నల్ ఇచ్చింది. ఈ నేపథ్యంలో మూడు జోన్‌లను ఏర్పాటు చేయాలని నిర్ణయించింది. విశాఖపట్నం జోన్, అమరావతి జోన్, రాయలసీమ జోన్, విశాఖ రీజియన్‌లో 9 జిల్లాలు, అమరావతి జోన్‌లో 8 జిల్లాలు, రాయలసీమ జోన్‌లో 9 జిల్లాలు ఉండేలా ప్రాథమిక ప్రణాళికలు రూపొందిస్తున్నారు. జోనల్ వ్యవస్థ రూపకల్పన కోసం నీతి ఆయోగ్, సింగపూర్ నిపుణుల బృందం కలిసి ప్రణాళికలు సిద్ధం చేస్తోంది.
Details
రెండ్రోజుల్లో అధికారిక ఉత్తర్వులు
ముఖ్యమంత్రి నారా చంద్రబాబు నాయుడు సారథ్యంలో జరగనున్న స్టీరింగ్ కమిటీ సమావేశంలో ఈ అంశం ప్రధాన అజెండాగా ఉండనుంది. ఇకపోతే ఒక్కో జోన్‌కు CEOలుగా సీనియర్ IAS అధికారులను ప్రభుత్వం ఎంపిక చేసింది. విశాఖపట్నం జోన్‌కు యువరాజ్, అమరావతి జోన్‌కు మీనా, రాయలసీమ జోన్‌కు కృష్ణబాబు‌ను CEOలుగా నియమించనున్నట్లు సమాచారం. ఈ నియామకాలపై సంబంధిత అధికారిక ఉత్తర్వులు మరో ఒకటి రెండు రోజుల్లో వెలువడే అవకాశం ఉంది.