తిరుపతి హథీరాంజీ మఠంలో అర్జున్ దాస్ తొలగింపు, ఏపీ సర్కార్ సంచలన నిర్ణయం
ఈ వార్తాకథనం ఏంటి
ఏపీలోని తిరుపతి హథీరాం జీ మఠానికి ప్రస్తుతం మహంతుగా ఉన్న అర్జున్ దాస్ పై వేటు పడింది. ఈ మేరకు ఆంధ్రప్రదేశ్ సర్కార్ సంచలన నిర్ణయం తీసుకుంది.
మఠం ఆస్తుల్ని లీజులకిస్తూ అర్జున్ భారీగా అక్రమాస్తులను పోగేశారని గుర్తించినట్టు ఏపీ దేవాదాయశాఖ మంత్రి కొట్టు సత్యనారాయణ వెల్లడించారు. ఈ మేరకు హథీరామ్ జీ మఠానికి బాధ్యులుగా ఓ కొత్తవ్యక్తిని నియమించాలని ప్రభుత్వం నిర్ణయం తీసుకుందన్నారు.
అర్జున్ దాస్ కోట్లాది రూపాయల ఆస్తుల్ని అన్యాక్రాంతం చేశారని చెప్పిన మంత్రి , ఏకంగా ప్రభుత్వానికే సదరు హథీరాంజీ మఠంపై ఏ హక్కులూ లేవంటూ అర్జున్ దాస్ న్యాయస్థానానికి వెళ్లరన్నారు.
Details
అర్జున్ దాస్‌ను సస్పెండ్ చేశాం, కొత్త వ్యక్తిని నియమిస్తాం : మంత్రి
అలాగే సన్యాసిగా ఉండాల్సిన మహంత్ పెళ్లి చేసుకుని పిల్లల్ని సైతం కన్నారన్నారు. ఈ అంశంపై విచారణ కమిటీ వేసి నిజనిజాలు నిగ్గుతేల్చామన్నారు. ఫలితంగా చర్యలు కూడా తీసుకున్నామని మంత్రి అన్నారు.
అందుకే ధార్మిక పరిషత్ ద్వారా స్వామీ హథీరాం జీ మఠం మహంత్‌గా ఉన్న అర్జున్ దాస్‌ను సస్పెండ్ చేసి క్రమశిక్షణా చర్యలు తీసుకున్నామన్నారు.
చిత్తూరు జిల్లా తిరుపతిలోని హథీరాం మఠానికి చెందిన భూముల్లో అక్రమ నిర్మాణాలను అక్కడి రెవెన్యూ అధికారులు కూల్చివేసిన విషయం విదితమే.
ఎప్పట్నుంచో కేంద్రం వద్ద పెండింగ్‌లో ఉన్న నిధుల విడుదల, రాష్ట్రంలో తాజాగా చేసిన లక్ష్మిరాజశ్యామల యాగం పుణ్య ఫలమేనని మంత్రి అన్నారు. శ్రీశైల మల్లిఖార్జున సన్నిధిలో కుంభాభిషేకానికి సంకల్పించినా వేసవి నేపథ్యంలో వాయిదా వేశామని తెలిపారు.