Loading...
Andhra Pradesh: ఏపీలో 160 లెక్చరర్ ఉద్యోగాలు.. నోటిఫికేషన్ విడుదల చేసిన ఏపీపీఎస్సీ
ఏపీలో 160 లెక్చరర్ ఉద్యోగాలు.. నోటిఫికేషన్ విడుదల చేసిన ఏపీపీఎస్సీ

Andhra Pradesh: ఏపీలో 160 లెక్చరర్ ఉద్యోగాలు.. నోటిఫికేషన్ విడుదల చేసిన ఏపీపీఎస్సీ

వ్రాసిన వారు Sirish Praharaju
Nov 17, 2026
09:39 am

ఈ వార్తాకథనం ఏంటి

ఆంధ్రప్రదేశ్‌లో ప్రభుత్వ ఉద్యోగాల కోసం ఎదురుచూస్తున్న నిరుద్యోగులకు శుభవార్త. రాష్ట్రంలో 160 లెక్చరర్, సీనియర్ లెక్చరర్ పోస్టుల భర్తీకి ఆంధ్రప్రదేశ్ పబ్లిక్ సర్వీస్ కమిషన్ (ఏపీపీఎస్సీ) నోటిఫికేషన్ విడుదల చేసింది. పాఠశాల విద్యాశాఖ పరిధిలోని జిల్లా విద్యా శిక్షణ సంస్థలు (డైట్), రాష్ట్ర విద్యా పరిశోధన, శిక్షణ మండలి (ఎస్‌సీఈఆర్‌టీ)లో ఖాళీగా ఉన్న పోస్టులను ఈ నియామకాల ద్వారా భర్తీ చేయనున్నారు. అర్హత కలిగిన అభ్యర్థులు నవంబర్ 18 నుంచి డిసెంబర్ 8 వరకు ఆన్‌లైన్‌లో దరఖాస్తు చేసుకోవచ్చు.

వివరాలు 

ఏ విభాగంలో ఎన్ని పోస్టులంటే?

ఏపీపీఎస్సీ విడుదల చేసిన నోటిఫికేషన్ ప్రకారం మొత్తం 160 పోస్టులు అందుబాటులో ఉన్నాయి. ఇందులో డైట్ సంస్థల్లో 46 సీనియర్ లెక్చరర్ పోస్టులు, 104 లెక్చరర్ పోస్టులు ఉన్నాయి.

అలాగే ఎస్‌సీఈఆర్‌టీ పరిధిలో మరో 10 లెక్చరర్ పోస్టులను భర్తీ చేయనున్నారు. ఈ విధంగా డైట్, ఎస్‌సీఈఆర్‌టీ సంస్థల్లో కలిపి మొత్తం 160 ఖాళీలను భర్తీ చేయనున్నారు.

విద్యార్హతలు, వయోపరిమితి

ఈ ఉద్యోగాలకు దరఖాస్తు చేసుకునే అభ్యర్థులు సంబంధిత సబ్జెక్టులో పోస్ట్ గ్రాడ్యుయేట్ (పీజీ) డిగ్రీ పూర్తి చేసి ఉండాలి.

దీంతోపాటు నోటిఫికేషన్‌లో పేర్కొన్న వృత్తిపరమైన అర్హతలు కూడా తప్పనిసరిగా కలిగి ఉండాలి.

అభ్యర్థుల వయసు 2026 జులై 1 నాటికి కనీసం 18 సంవత్సరాలు, గరిష్ఠంగా 44 సంవత్సరాల మధ్య ఉండాలి.

వివరాలు 

ఎంపిక విధానం, జీతభత్యాలు

అయితే ప్రభుత్వ నిబంధనల ప్రకారం ఎస్సీ, ఎస్టీ, బీసీ, ఈడబ్ల్యూఎస్, దివ్యాంగ అభ్యర్థులకు గరిష్ఠ వయోపరిమితిలో సడలింపులు ఉంటాయి.

అభ్యర్థుల ఎంపిక కంప్యూటర్ ఆధారిత పరీక్ష (సీబీటీ) ద్వారా జరుగుతుంది.

ఈ పరీక్షలో సాధించిన మెరిట్ ఆధారంగా తుది ఎంపిక చేపడతారు. ఎంపికైన వారికి వారు నియమితులయ్యే పోస్టును బట్టి వేతనం చెల్లిస్తారు.

సీనియర్ లెక్చరర్ పోస్టులకు నెలకు రూ.61,960 నుంచి రూ.1,51,370 వరకు వేతనం ఉంటుంది.

ఎస్‌సీఈఆర్‌టీ లెక్చరర్ పోస్టులకు రూ.57,700 నుంచి రూ.1,82,400 వరకు జీతం లభిస్తుంది.

డైట్ లెక్చరర్ పోస్టులకు రూ.54,060 నుంచి రూ.1,40,540 వరకు వేతనం చెల్లిస్తారు.

ADVERTISEMENT

వివరాలు 

దరఖాస్తు ఎలా చేసుకోవాలి?

అర్హత, ఆసక్తి ఉన్న అభ్యర్థులు ఏపీపీఎస్సీ అధికారిక వెబ్‌సైట్ ద్వారా ఆన్‌లైన్‌లో దరఖాస్తు చేసుకోవాలి.

నవంబర్ 18 నుంచి డిసెంబర్ 8 వరకు దరఖాస్తులకు అవకాశం ఉంటుంది.

ఉద్యోగాలకు సంబంధించిన విద్యార్హతలు, ఇతర నిబంధనలు, ఎంపిక విధానం, దరఖాస్తు ప్రక్రియ తదితర పూర్తి వివరాలను తెలుసుకోవడానికి అభ్యర్థులు అధికారిక నోటిఫికేషన్‌ను క్షుణ్ణంగా పరిశీలించాలని ఏపీపీఎస్సీ సూచించింది.

ADVERTISEMENT