Bengaluru : అసభ్యకరంగా అరుస్తూ కారు అద్దాలను పగులగొట్టారు.. పోలీసులకు ఫిర్యాదు చేసిన బాధితుడు
బెంగళూరులో రద్దీగా ఉండే రోడ్డుపై ఓ బైకర్ వల్ల తనకు ఎదురైన చేదు అనుభవాన్ని బాధితుడు సోషల్ మీడియాలో పంచుకున్నాడు. ట్రాఫిక్ నిబంధనలను ఉల్లంఘించి, ఎడమ వైపున 'యూ-టర్న్' చేసిన ఓ స్కూటర్ రైడర్, తన కారు వైపు పరుగెత్తి ముందు కిటికీని పగులగొట్టాడని బెంగళూరులోని ఓ ఉద్యోగి బెర్నార్డ్ మస్కరెన్హాస్ ఆందోళన వ్యక్తం చేశారు. నవంబర్ 22న రాత్రి 8.30 గంటల సమయంలో హొరమావు వంతెన సమీపంలో ఈ ఘటన జరిగింది. బెర్నార్డ్, జెపి నగర్‌లోని తన కార్యాలయం నుంచి హెన్నూరులోని తన నివాసానికి తిరిగి వెళ్తున్న క్రమంలో వర్షం కారణంగా ట్రాఫిక్‌కు అంతరాయం ఏర్పడింది. దీంతో కారు అద్దం పగలగొట్టి వికృత చేష్టలకు దిగాడు.దీంతో బాధితుడు పోలీసులకు ఫిర్యాదు చేశాడు.
