Kempegowda International Airport: బెంగళూరు ఎయిర్‌పోర్ట్‌లో నమాజ్.. కర్ణాటకలో కొత్త వివాదం
ఈ వార్తాకథనం ఏంటి
కర్ణాటక రాష్ట్రంలో కొత్త వివాదం చెలరేగింది. బెంగళూరులోని కెంపెగౌడ అంతర్జాతీయ విమానాశ్రయంలో కొందరు వ్యక్తులు నమాజ్ నిర్వహించిన ఘటనపై బీజేపీ తీవ్ర అసంతృప్తి వ్యక్తం చేసింది. అత్యంత భద్రత ఉండే హై సెక్యూరిటీ జోన్‌లో ఇలా ఆధ్యాత్మిక కార్యక్రమాలు ఎలా జరిగాయన్న ప్రశ్నను బీజేపీ నేతలు లేవదీశారు. ఈ విషయంపై ముఖ్యమంత్రి సిద్ధరామయ్యతో పాటు ఐటీ శాఖ మంత్రి ప్రియాంక్ ఖర్గే కూడా స్పందించాల్సిన అవసరం ఉందని డిమాండ్ చేశారు.
వివరాలు
సంఘటనకు సంబంధించిన ఫోటోలు, వీడియోలు సోషల్ మీడియాలో పోస్ట్
ఈ ఘటన టెర్మినల్-2లో జరిగినట్టు బీజేపీ అధికార ప్రతినిధి విజయ్ ప్రసాద్ పేర్కొన్నారు. ఈ సంఘటనకు సంబంధించిన ఫోటోలు, వీడియోలను ఆయన ఆదివారం రాత్రి సోషల్ మీడియాలో పోస్ట్ చేశారు. "హై సెక్యూరిటీ ప్రాంతంలో నమాజ్ చేయడానికి వీరు ఎలాంటి అనుమతి పొందారు? ఇలాంటి చర్యలు భద్రత పరంగా ప్రమాదకరమైనవి కాకపోతే మరేదే ప్రమాదం?" అంటూ ఆయన ప్రశ్నించారు. "ఆర్ఎస్ఎస్ కార్యక్రమాలకు అనుమతి తీసుకుంటే అభ్యంతరం చెప్పే ప్రభుత్వం, ఇలాంటి కార్యకలాపాల విషయంలో ఎందుకు మూగవైపు తిరిగింది?" అని ఆయన విమర్శించారు.
వివరాలు
పోలీసులు కాని, సిబ్బంది కాని ఎవరూ వారిని ఆపడానికి ముందుకు రాలేదు
తాజాగా మీడియాతో మాట్లాడిన ఆయన, కాంగ్రెస్ ప్రభుత్వంపై ద్వంద్వ విధానాలు అవలంబిస్తున్నారంటూ శరాఘాతాలు కురిపించారు. "టెర్మినల్-2లో సాధారణంగా కఠినమైన భద్రతా ఏర్పాట్లు ఉంటాయి. అయినా అక్కడ పోలీసులు కాని, సిబ్బంది కాని ఎవరూ వారిని ఆపడానికి ముందుకు రాలేదు. ఇది ఒక ప్రత్యేక వర్గాన్ని ఆకట్టుకునే విధంగా కాంగ్రెస్ ప్రభుత్వం వ్యవహరిస్తోందన్న స్పష్టమైన సంకేతం. ఇందుకు సీఎం, ఐటీ మంత్రి సమాధానం చెప్పాలి" అని విజయ్ ప్రసాద్ అన్నారు.
వివరాలు
ఆర్ఎస్ఎస్ రిజిస్ట్రేషన్ లేని సంస్థ: మోహన్ భగవత్
ఇదిలా ఉండగా, ఇటీవల బహిరంగ ప్రదేశాల్లో జరిగే కార్యక్రమాలకు ప్రభుత్వం నుంచి అనుమతులు తీసుకోవాలని జారీ చేసిన ఆదేశాలు ప్రత్యేకంగా ఆర్ఎస్ఎస్‌కే కాదని ముఖ్యమంత్రి సిద్ధరామయ్య స్పష్టం చేశారు. "ఆ ఉత్తర్వుల్లో ఆర్ఎస్ఎస్ పేరును ఎక్కడా ప్రస్తావించలేదు. ఎవరైనా సంస్థ కార్యక్రమం నిర్వహించాలంటే జిల్లా అధికారుల అనుమతి తప్పనిసరి. దాన్ని ఎవరు తమకనుగుణంగా అనువాదం చేసుకోవడాన్ని మేము అడ్డుకోలేం" అని ఆయన వ్యాఖ్యానించారు. ఇక ఆర్ఎస్ఎస్ రిజిస్ట్రేషన్ లేని సంస్థ అని కాంగ్రెస్ నేతలు చేస్తున్న విమర్శలకు స్పందిస్తూ ఆర్ఎస్ఎస్ ప్రధాన కార్యదర్శి మోహన్ భగవత్ పరోక్షంగా స్పందించారు. తమ సంస్థ "వ్యక్తులు ఒక లక్ష్యంతో కూడిన సమూహంగా ఉన్నది" మాత్రమేనని ఆయన పేర్కొన్నారు.