తదుపరి వార్తా కథనం
Hyderabad Metro: హైదరాబాద్ మెట్రోలో ప్రయాణికుడి వద్ద బుల్లెట్ లభ్యం.. భద్రతా బలగాలు అలర్ట్
వ్రాసిన వారు
Jayachandra Akuri
Oct 19, 2025
11:56 am
ఈ వార్తాకథనం ఏంటి
హైదరాబాద్‌లోని మెట్రో స్టేషన్‌లో ఓ ప్రయాణికుడి వద్ద బుల్లెట్ కనుగొనడం కలకలం రేపింది. బిహార్‌కు చెందిన మహమ్మద్ అనే యువకుడు, ముసాపేటలోని ప్రగతినగర్‌లో ఫ్యాబ్రికేషన్ వర్క్ చేస్తున్నాడు. శనివారం రాత్రి, అతను బ్యాగ్‌ను తీసుకొని ముసాపేట మెట్రో స్టేషన్‌కు చేరాడు. సాధారణ స్కానింగ్ సమయంలో భద్రతా సిబ్బంది తనిఖీలు ప్రారంభించారు. తనిఖీ సమయంలో మహమ్మద్ వద్ద అనుమానాస్పద వస్తువు ఉన్నట్లు బీప్‌ శబ్దం ద్వారా తెలుసుకున్నారు. దీనిని గమనించిన భద్రతా సిబ్బంది మరింత విశదంగా తనిఖీ చేసారు. దీంతో అతడి వద్ద 9 ఎంఎం బుల్లెట్ కనుగొనబడింది. ఈ ఘటనపై కూకట్‌పల్లి పోలీసులకు మెట్రో సిబ్బంది ఫిర్యాదు చేశారు. పోలీసులు ఈ కేసుపై విచారణ ప్రారంభించినట్లు తెలిపారు.