Mumbai: ముంబైలో ఇల్లు కొనడం సులువు.. 15 ఏళ్లలో కనిష్ఠానికి గృహ స్థోమత!
ఈ వార్తాకథనం ఏంటి
ముంబయి లాంటి మహానగరంలో ఇల్లు కొనే కల నిజమవుతోంది. ఇటీవలి కైట్ ఫ్రాంక్ ఇండియా అఫోర్డబిలిటీ ఇండెక్స్ రిపోర్ట్ ప్రకారం ముంబైలో ఒక కుటుంబం ఇల్లు కొనడానికి మొత్తం ఆదాయంలో 47 శాతం మాత్రమే ఖర్చు చేయాల్సి ఉంది. ఇది గత 15 సంవత్సరాల్లో అత్యల్ప స్థాయి.
Details
ముంబైలో గృహ స్థోమత పరిస్థితి
సాధారణంగా ముంబైలో ఇల్లు కొనడం ఖరీదైన కలగా ఉంటుంది. 2010లో ఒక కుటుంబం ఆదాయంలో ఇల్లు కొనే కోసం 93 శాతం ఖర్చు చేయాల్సి ఉండేది. కానీ ఆదాయాలు పెరగడం, రియల్ ఎస్టేట్ మార్కెట్లో సౌలభ్యాన్ని పెంచే మార్పులు రావడం వల్ల ఈ నిష్పత్తి క్రమంగా తగ్గి 47 శాతానికి పడింది. ఇది మధ్యతరగతి కుటుంబాలకు ఇల్లు కొనడం సాధ్యమని సూచిస్తుంది.
Details
ఇతర ప్రధాన నగరాల పరిస్థితి
ముంబైతోపాటు దేశంలోని ఇతర ప్రధాన నగరాల్లో కూడా గృహ సౌలభ్యం మెరుగ్గా మారింది. అహ్మదాబాద్ : అత్యంత సౌకర్యవంతమైన నగరంగా నిలిచింది, ఇక్కడ ఆదాయంలో కేవలం 21 శాతం మాత్రమే గృహ ఖర్చు కావాలి. పూణే, కోల్కతా : ఇక్కడ ఆదాయంలో 24 శాతం ఖర్చు. బెంగళూరు, చెన్నై : ఆదాయంలో 26-28 శాతం ఖర్చు. హైదరాబాదు : 30 శాతం. నేషనల్ క్యాపిటల్ రీజియన్ (NCR) : 27 శాతం.
Details
మూల కారణాలు
ఈ సౌలభ్యం పెరుగుదలకు ప్రధాన కారణాలు 1. మధ్యతరగతి కుటుంబాల ఆదాయంలో వృద్ధి. 2. RBI స్థిరమైన వడ్డీ రేట్లు. 3. రియల్ ఎస్టేట్ మార్కెట్లో ధరల పెరుగుదల క్రమం తగ్గడం. మొత్తం మీద, భారతదేశంలోని ప్రధాన నగరాల్లో ఇల్లు కొనడం కోసం ఖర్చు అయ్యే ఆదాయ నిష్పత్తి గత దశాబ్దంతో పోలిస్తే గణనీయంగా తగ్గింది. ముంబైలో కూడా 50 శాతం కిందకు దిగిన ఈ స్థితి, మధ్యతరగతి కుటుంబాల కోసం ఇల్లు కొనే అవకాశం మరింత పెరిగిందని విశ్లేషకులు చెబుతున్నారు.