By Election Results: ఉప ఎన్నికల ఫలితాల్లో టీవీకే దూకుడు.. బెంగాల్‌లో బీజేపీ ముందంజ
ఈ వార్తాకథనం ఏంటి
దేశవ్యాప్తంగా అక్టోబర్ 6న వివిధ రాష్ట్రాల్లో జరిగిన ఉప ఎన్నికల ఫలితాలు శుక్రవారం వెలువడ్డాయి. పశ్చిమ బెంగాల్, తమిళనాడు, పుదుచ్చేరి, అస్సాం రాష్ట్రాల్లో జరిగిన ఆరు ఉప ఎన్నికలకు సంబంధించి ఉదయం నుంచి ఓట్ల లెక్కింపు కొనసాగింది. తమిళనాడులో ముఖ్యమంత్రి విజయ్‌కు చెందిన తమిళగ వెట్రి కళగం (టీవీకే) రెండు స్థానాల్లో విజయం సాధించింది. మధురాంతకం, ధరాపురం నియోజకవర్గాల్లో ఆ పార్టీ అభ్యర్థులు గెలుపొందారు.
వివరాలు
తమిళనాడులో టీవీకేకు రెండు స్థానాలు
మధురాంతకం నియోజకవర్గంలో టీవీకే అభ్యర్థి కె. మరగతం కుమారవేల్ విజయం సాధించారు.
డీఎంకే అభ్యర్థి ఐ. పరంధామెన్ ఓటమి పాలయ్యారు. ధరాపురం నియోజకవర్గంలోనూ టీవీకే అభ్యర్థి సత్యబామ గెలుపొందారు.
ఇక్కడ డీఎంకే అభ్యర్థి సుగన్య ఎస్ ఓటమి చవిచూశారు.
ఈ రెండు స్థానాల్లోనూ టీవీకే అభ్యర్థులు విజయం సాధించడంతో తమిళనాడు ఉప ఎన్నికల ఫలితాల్లో ఆ పార్టీ తన ఉనికిని చాటుకుంది.
వివరాలు
పుదుచ్చేరిలో ఏఐఎన్‌ఆర్‌సీ అభ్యర్థి గెలుపు
భారత ఎన్నికల సంఘం గణాంకాల ప్రకారం.. పుదుచ్చేరిలోని తట్టన్‌చావడి అసెంబ్లీ నియోజకవర్గ ఉప ఎన్నికలో ఆల్ ఇండియా ఎన్‌ఆర్ కాంగ్రెస్ (ఏఐఎన్‌ఆర్‌సీ) అభ్యర్థి అశోక్ ఆనంద్ విజయం సాధించారు.
ఆయన తన ప్రత్యర్థిపై 8,482 ఓట్ల మెజారిటీతో గెలుపొందారు.
పుదుచ్చేరి ముఖ్యమంత్రి, ఏఐఎన్‌ఆర్‌సీ అధినేత ఎన్. రంగస్వామి అసెంబ్లీ ఎన్నికల్లో రెండు నియోజకవర్గాల నుంచి పోటీ చేసి విజయం సాధించారు.
వాటిలో మంగళం నియోజకవర్గాన్ని తన వద్దే ఉంచుకుని, తట్టన్‌చావడి స్థానాన్ని వదులుకున్నారు. దీంతో తట్టన్‌చావడి అసెంబ్లీ స్థానం ఖాళీ కావడంతో ఉప ఎన్నిక నిర్వహించారు.
వివరాలు
అస్సాం, పశ్చిమ బెంగాల్‌లో బీజేపీ ఆధిక్యం
అస్సాంలోని నాగావ్ లోక్‌సభ నియోజకవర్గ ఉప ఎన్నిక ఓట్ల లెక్కింపులో బీజేపీ అభ్యర్థి దేవశిష్ శర్మ 81,238 ఓట్ల ఆధిక్యంలో కొనసాగారు.
మరోవైపు పశ్చిమ బెంగాల్‌లోని నందిగ్రామ్, రెజీనగర్ నియోజకవర్గాల్లో బీజేపీ అభ్యర్థులు ఆధిక్యంలో ఉన్నారు.
ఆయా స్థానాల్లో ఓట్ల లెక్కింపు కొనసాగుతున్న సమయంలో బీజేపీ అభ్యర్థులు ముందంజలో ఉన్నట్లు ఎన్నికల ఫలితాల సమాచారం వెల్లడించింది.