TGPSC : అభ్యర్థులు వెబ్ ఆప్షన్లు జాగ్రత్తగా ఉపయోగించాలి.. టీసీపీఎస్సీ హెచ్చరిక
ఈ వార్తాకథనం ఏంటి
తెలంగాణ పబ్లిక్ సర్వీస్ కమిషన్ (TSPSC) గ్రూప్-II సర్వీసెస్ (సాధారణ నియామకం) కింద వివిధ పోస్టులకు ఎంపికైన అభ్యర్థుల ధృవపత్రాల పరిశీలన తేదీలను అధికారికంగా ప్రకటించింది. కమిషన్ తన వెబ్సైట్‌లో ఇప్పటికే ఎంపికైన అభ్యర్థుల హాల్ టికెట్ నంబర్లను ఉంచింది. ధృవపత్రాల పరిశీలన సెప్టెంబర్ 23, 24 తేదీలలో ఉదయం 10:30 గంటల నుండి సాయంత్రం 5:00 గంటల వరకు జరుగుతుంది. అవసరమైతే రిజర్వ్ డే సెప్టెంబర్ 25గా నిర్ణయించారు. ఈ పరిశీలన సురవరం ప్రతాప్ రెడ్డి యూనివర్సిటీ (గతంలో శ్రీ పొట్టి శ్రీరాములు తెలుగు యూనివర్సిటీ) పబ్లిక్ గార్డెన్ రోడ్, నాంపల్లి, హైదరాబాద్‌ పాత క్యాంపస్‌లో నిర్వహించనున్నారు.
Details
వెబ్ ఆప్షన్లు వినియోగించాలి
అభ్యర్థులు సెప్టెంబర్ 22 నుండి 25 వరకు TSPSC అధికారిక వెబ్సైట్‌లో వెబ్ ఆప్షన్లను వినియోగించుకోవాలి. కమిషన్ స్పష్టం చేసిన ప్రకారం, ఈ ఆప్షన్లు తుది ఎంపికలో పరిగణించనున్నారు. కాబట్టి అభ్యర్థులు ఆప్షన్లను ఎంత జాగ్రత్తగా ఇచ్చారో ఖచ్చితంగా చూడాలి. నిర్ణీత తేదీలలో ధృవపత్రాల పరిశీలనకు హాజరు కాని అభ్యర్థుల అభ్యర్థిత్వం తదుపరి ప్రక్రియలో పరిగణించబడదు. మరిన్ని వివరాల కోసం అభ్యర్థులు TSPSC అధికారిక వెబ్సైట్ [https://www.tgpsc.gov.in](https://www.tgpsc.gov.in) ను సందర్శించాలని కమిషన్ సూచించింది.