కేటీఆర్ స్ట్రాటజీని మెచ్చుకున్న చంద్రబాబు; బెస్ట్ కమ్యూనికేటర్ అంటూ ప్రశంస
ఈ వార్తాకథనం ఏంటి
సమకాలీన రాజకీయ నాయకులపై టీడీపీ అధినేత, మాజీ ముఖ్యమంత్రి చంద్రబాబు నాయుడు ఆసక్తికర వ్యాఖ్యలు చేశారు. ప్రముఖ సింగర్ స్మిత వ్యాఖ్యాతగా వ్యవహరిస్తున్న ఓ టాక్ షోకి హాజరైన రాజకీయాలు, సినిమా, స్టూడెంట్ లైఫ్ లాంటి పలు విషయాలపై చంద్రబాబు మాట్లాడారు. తెలుగు రాష్ట్రాల్లో పలు రాజకీయ నాయకుల పేర్లు చెప్పి, వారి గురించి చెప్పమని స్మిత అడిగారు. ఈ సందర్భంగా చంద్రబాబు తనదైన శైలిలో సమాధానం చెప్పారు. తెలంగాణ ఐటీ శాఖ మంత్రి కేటీఆర్ గురించి నాయుడు మాట్లాడుతూ.. ఆయనకు స్పష్టమైన వ్యూహం ఉందని, దాన్ని బట్టి పనిచేస్తారని చెప్పారు. అంతేకాదు కేటీఆర్ బెస్ట్ కమ్యూనికేటర్ అంటూ అభినందించారు. చంద్రబాబు చెప్పిన మాటలు విన్న కేటీఆర్ అభిమానులు ఆనందం వ్యక్తం చేస్తున్నారు.
చంద్రబాబు
ప్రజలకు సేవ చేయాలనే తపన పవన్‌కు ఉంది: చంద్రబాబు
జనసేన అధినేత పవన్ కల్యాణ్, తన కుమారుడు లోకేశ్, టీపీసీసీ ప్రెసిడెంట్ రేవంత్ రెడ్డిపై గురించి కూడా చంద్రబాబు చెప్పారు. పవన్ కళ్యాణ్ గురించి మాట్లాడుతూ ప్రజలకు సేవ చేయాలనే తపన ఆయనకు ఉందని చెప్పారు. తన కొడుకు లోకేష్ గురించి అడిగినప్పుడు, అతను బాగా చదువుకున్న వ్యక్తి అని, మంచి నడవడిక కలవాడని, ప్రజా జీవితంలో తనను తాను నిరూపించుకోవాల్సిన బాధ్యత అతనిపై ఉందని వివరించారు. ఇక తన పాత్ర మిత్రుడు రేవంత్ రెడ్డి డేరింగ్ గురించి మాట్లాడుతూ, అతను డేర్ అండ్ డాషింగ్ వ్యక్తి అని, ప్రజల్లో తనను తాను నిరూపించుకోవాల్సిన బాధ్యత తనకు కూడా ఉందని నాయుడు అన్నారు.